今日上堂又係咁，悶悶的。我又係期待緊小息。

小息了，落到去坐，麗晶妹叫我幫佢買野飲，我份人無咩所謂，我覺得為女仔服務是應該的，跟住琳都話要買野，佢就同我一齊去買，去到排隊，咁多人，好彩孫孫係前面，跟住我話：孫孫幫我買野，佢話：你排我後面啦，咁姐係打尖？=.=?，唉，咩事都有第一次既，跟住莊智話：你睇下，後面D細路女要哭喇。莊智講到好搞野，哈哈，跟住聰嫂又叫我買野，最特別的就是我班有個女仔叫我幫佢買野，呢次應該係我同佢既第一次對話，佢叫高昭宜，佢話：陳圖煒，幫我買D野。我緊係幫佢買啦，係咪先？哇，今日好多人叫我幫佢地買野，我好少去小食部都買野，一去買野，咁多人叫我幫佢買既=0=""跟住返到去坐，琳話：過去安尉下人地啦(陳麗晶)。我話：點解？又關我事=0=?

放學了，我諗住叫埋琳一齊返屋，佢話要整壁佈，本身我諗住唔等佢的，跟住麗晶妹又話唔要要去邊，咁就拉左我去，返到4C，佩玲妹話：你搵黃靖琳？我望一望麗晶妹，再望一望佢，佢又話：佢走左喇喎。我又望一望麗晶妹。再望返佢。我話：你同我講？=0=?佢話：係。哈哈，我仲以為佢同緊麗晶妹講野tim，跟住我話：點解你話我上黎係搵佢呢？佢話：我見你返學都同佢一齊既。跟住我話：你以為我地係咩關係？佢話：朋友牙麻。  比人話耶>v<""

跟住見到晶晶，佢話：f.3做咩上黎？跟住我話：我仲同人講話你變左tim，佢話：你同人講咩我變左？琳話：波波大左。跟住晶晶真係望下佢自已果到=0=""佢話：無牙，有咩？  哈哈，好變態牙。跟住我見到有人玩圍棋，哇，佢地玩到我見到都忍唔住手要出手，明明係人地死的，但係可以比人地食返佢轉頭。跟住可能我太勁了，比人叫我走開=0=""

我過左去4D班，見到孫孫係到玩結他，又見佢岩岩買左D野食上黎，佢地話唔夠，我跟住就落左去買左D，上到黎，我比左兩包野佢地，仲比左包野飲碧詩妹。佢地幾個道技，佢地收埋左我個書包，唉，心淡了，搞到我搵左好奈，不過佩玲妹幫我搵，都算係咁，跟住佢地話收埋左係女廁，我問：碧詩，你幫我去女廁睇下。其實係無可能既，不過睇下都好，我同琳同碧詩去左，琳拉左我入去，又入女廁=v=，結果係咩？緊係無啦，佢地野玩我。好彩最後佩玲妹都話左個書係邊比我知。原來佢知既.\/.

我同琳一齊返屋企，哈，又做護花使者tim=v=""行到去以前小學果到既排球場，你地估下我見到邊個？係Crazy妹=0=""，琳話：哦，原來佢就係Crazy。跟住Crazy妹話：噫，你條女牙？我話：唔係牙。

今日羽毛波選拔，我緊係有去啦，聰哥佢地都有去，跟住我地換3，行到黎，miss蘇話：你做咩黎牙？都叫你唔好黎落，你無機會架喇。咁講野架miss蘇，跟住果到有人試人打波，試人果D係羽毛波隊的了，黃靖琳都可以試人@0@""唔係牙？跟住到我喇，我打左一陣咋喎，佢就叫下一個，挑機牙，你好勁咩？唔覺囉，我跟住好無心機咁訓左係地下，琳就行左過黎，佢企左一個唔應該企既地地方，我眼係對住佢下體=.=""拿，唔係我特登，我訓左係到，佢行埋黎，不過，佢果時係著褲的，大家不要緊張=.=跟住黎子慰話：你見到D咩？跟住我又同琳講話：你行埋比我睇野？@@佢話：你入唔入到？我話：唔知。跟住佢就返返去試人，據我所知，我識果D全部都入唔到，跟住我同雞雞玩，哈哈，我地玩15分，我贏左佢3局了=0=""佢一局都無贏過我。哇卡卡，跟住球話要練排波，要等到佢6點，我無咩所謂既，跟住仲君妹一陣一齊返。miss話：你地同路咩？君妹話：無得揀，但係行果邊都得既。miss蘇又問：咁黜解唔自已返？君妹話：驚有色狼麻。咁又係既，君妹幾靚既。miss蘇話：你指意佢(我)？我話：miss蘇，唉，我心都淡埋，你咁睇小我既。佢話：你心咩淡牙，你個心都無紅過。我地打完羽毛波，琳都味得，搞到我同仲君妹要等佢，等到黎，我地先返家中。跟住行到差不多要分開了，我問君妹駛唔駛我送佢返去。佢話唔駛，咁就算啦。

算算，係咁多，我發覺我地班有個女仔，幾似Crazy，不過係文靜版既=0=""

我今日知到左個重大既消息，就係.........唔講得=n=""今日，我問琳：點解你覺得孫孫同她唔襯既？佢話：她好似仲高過孫偉然。我話：係咩=m=""佢話：仲知覺得唔襯啦。我又問：咁我同她呢？佢話：你襯D。跟住我又舉多幾個例子，係喎，她又係行我行果邊既，孫孫，我幫你吧=0=""我出馬無話唔得既，信我=u=""跟住我又同琳講話：晶晶變左好多。佢話：波波大左？我唔記得我聽錯左D咩，我話：係。後尾先知佢講呢樣，畜生=n=""

返到學校，都渣東吹左陣水，我地見到joey，我同joey話：你行到......。佢話：咩牙(把聲好笛)我跟住同渣講話：佢行到牙。渣東話：做咩？我話：好難形容。佢話：姐係咩？我話：佢行到好誘人。哈哈=.=""跟住我見到麗晶妹，佢著住左紅十字既３，唔通玩制服誘惑？＠＠

又要集隊，第２∼３堂PE，可以同miss蘇挑機了=0=""，但係要玩閃躲波，仲要玩到落堂，唉，無緣了，我明白了誠誠的心情了，無人同佢組，事關我同果班男仔唔熟，不過好彩高佬睇得起我，叫我入佢組，佢話：陳圖煒，入我地組。我咁就入左，我發覺我打閃躲波都ok，如果唔係我手指短，可以仲好。我同高佬係攻擊手，我地我地輪住黎sm佢地，哈哈，我好懷諗f.2打閃躲波，當年我地D隊名係：只攻隊，與防隊，見人就隊(呢個我諗的)呢3個名都好爽了=0=""家亮仔呢D淫賊先比佢諗到的=0=""又係得個懷諗，家亮，等我，我要搞個活動，去沙灘玩！！！

小息了，我地又係果到吹水，家陣孫孫串我時，我可以有野串過佢了，我話：唔駛15分鐘，全級都知道曬。哈哈，大家能唔明，不過真係好爽了=0=""

午膳了，我又落去找聰哥了，不過傾左無奈就去左孫孫果邊，我地講講下墨香，有條女話佢阿哥都有玩，原來佢阿哥個acc叫星辰，係佢......唔係牙？原來佢阿妹係我地間學校，我上當年都算識佢既，不過我無同佢聯絡好奈了，可能不記得我了，哈哈，我今日好開心耶，估唔到耶，我諗住問多D，但係唔知個女仔叫咩名，佢條仔又係阿隔，唔通就咁問個女仔叫咩名咩=,=，佢條仔係咁望住我，我話：唔好係咁望住我啦，我好有壓逼感=v=""最後我去左問Simon，原來佢叫何少言，都有個少字=m=""跟住班畜生係咁推我埋晶晶果班人到，搞到比晶晶話左幾句，鳴，不過佢都係玩下姐=0=""

我有小小頭水邊個鐘意我了=,=""，本身我都估係佢，我越黎越得是了，今日係咁多了

今日，中三要校服大檢=0="""葉sir黎到我面前，睇下我個頭，佢話：有ja頭，去洗頭。我話：我D髮質係咁架喎。佢話：我唔認為喎。無計，咁就去左洗頭，果班畜生係咁笑我=,=""，梁sir話：煒仔，ja頭牙？我話：無牙=0="""。我去洗左一洗，返到黎，葉sir摸下，佢話：柔順左D。我話：落左水緊係柔順左啦。佢話：你唔駛咁緊張，我都無記你名。哈哈咁就過到骨，我係有ja到頭，不過我D髮質真係有D硬，加上Dja勁，ja左好難發覺，因為成$80幾蚊。你睇下葉sir都唔敢肯定我有無ja，你就知勁啦=0=""

小息了又，係咪講得太快=.=?真關上堂真的無畯好講，唉，又掛左家亮仔佢地tim。小息同雞雞一齊落去，跟住係下面坐坐下，雞雞話上返去做功課，都係吹左一陣水，無咩野做，返學真苦，3年的開心時間過去了...............

上美術堂時，陳子聰話唔知返學定放學見到我同個女仔一齊，跟住我話：我今日返學見到你牙，你果個女仔返架麻(趙嘉穎)佢話：我今日同陳國耀返喎。唔係牙？我開頭係以為佢講大話，唔想比人知佢同女仔返學，點知，原來唔係，佢應該真係同陳國耀返。咁我今日見到果個係邊個黎，第一：我一定無認錯人，我見到佢個樣同個袋。我見佢個樣係無講大話喎，但係我一定無睇錯，唔通，我............見到果D.....

跟住陳國耀看到美術室有個結他，佢就問miss點解有個結他，miss話：我都唔知點解有個結他係到，鐘意就拎去啦，不過我之前送過比兩個人，但係唔知點解最後個結他都係返到。有人說：可能果個人還返個結他比人呢。miss話：佢又無話還返比我。哇，咁得人驚=,=，我係一日內遇到類似鬼怪既事件，哈哈，不過我本人唔相信有鬼怪。陳子聰話：我之前撞過先致戴呢個野。佢話：有一次行過天水圍運動場，見到一個全身紅色既人(唔知係人定鬼啦)。所以就戴左個玉。不過我還是不相信=0=""

miss今堂派左上堂既習作比我地，個個都以為唔要架喇，有人掉，有人拎走左。我行出門口，唔知點解講到話D畫原來係味登分，唔係牙？好多人都掉左喇喎，我都係掉左，咁咪去汁返囉，哈哈=0=""，我行返出黎，我話：miss，你都幾陰險喎。miss話：都幾架。真係頂佢唔順=.=""

午膳了，我遲左小小落去，我同雞雞落到去，見到聰哥佢地，仲有陳麗晶，陳麗晶話：你食唔食？(今日個飯)我問：你唔食？佢話：唔好食。佢連麵都買埋，姐係一定唔食了，跟住聰哥靜係拎左裹面既雞排，哈哈，我覺得聰哥真係幾似V6裹面既一個成員，佢就係做超人迪加果個。我話：如果染埋金毛仲似。陳麗晶話：我都有同感。跟住我問佢地邊個參加羽毛波選拔，聰嫂話：我打波好屎。聰哥話：上次我問miss蘇，佢話等宣佈。陳麗晶都話有既話都參加。我記得有一次，係某個小息時，係咁既........

當時我落到黎，就見到D女(Joey，嘉玲姐)流曬汗咁，哇Joey真係幾靚女=0="""miss蘇係我隔黎，我問：岩岩做完咩？miss蘇話：跑步囉。我話：跑幾奈？miss話：9分鐘。我話：唔係4.5分鐘姐咩女仔？佢話：唔係。我又問：佢地跑幾多左右？miss蘇話：10幾20個到。跟住我又問：miss蘇，幾時有羽毛波選拔？miss話：唔係牙？你咁樣都去選拔？miss蘇，好串喎=.=""佢跟住話：你地等宣佈啦。

我地今晚去打波，去到打波喇，無左譚罐了今次，真有點不自在，我地打打下波，有人跟隊，但係當我地打打下，班畜生無啦啦行左出黎打波，我都咪唔打囉，坐左係個場到，佢地明玩野啦，我地咪同佢一齊玩囉，跟住我係咁9打，係3分以外到射波，我係咁射，有幾次差D射中果班人，果班人咪啤住我囉，我唔理佢，我繼續，白痴既，人地打打下，你踩場？我咪唔鬼理係咁射波，射中佢仲好，有野玩。要串的話，黎吧，我一個挑幾個都得，孫孫話有咩事叫楊文過黎，好玩了，佢跟住問我地鬥唔鬥波，聰聰話：唔鬥啦，你地咁勁。我地明玩野，坐係個場到，睇下佢打條tie。跟住聰聰拎個波係到同雞雞踢，係佢地打波既位到踢，玩牙？鬥玩啦，好嗎？跟住有個人話：你地可唔可以坐開D？孫孫問我話：坐唔坐？雞雞係呢個時候坐低左，人地叫人坐開，仲要立刻坐，好串喎雞雞，孫孫同果個人講話：我地都唔係左你好多位姐。佢地話：我驚一陣打到你地。哇，佢咁講姐係明想打到我地啦。後尾，我地都叫口渴，走時，我走最前，落電梯時，孫孫話佢地岩岩話睇波，孤孫睇左一望，原來係呃孫孫的，最衰我唔係孫孫隔黎果時，唔係我實串到佢地無野好講。

我地買完水時，上返黎，我地去左隔黎場到打，見到上年既全級第一~~~陳鴻列。我地鬥左一場波之後，我同佢同雞雞一齊吹水，佢痴線架，佢咩都識既=.=""問佢會考果D係點，佢又識，仲知，佢係咩都識，唔係正常人。我地講返好多走左既老師，佢最掛住係miss李=0="""我都幾掛住佢，我最掛住係黃子暉sir。哈哈，估唔到佢平時無咩兩句，我同雞雞都覺，同佢傾計都幾好=v=""

我發覺我打波開始有點進步，開始打得好點，不過射波都係唔得=m=""算喇，係咁多，我真係要練下打波。

今日，返學時，敏話：奇績喎，唔講野既？也我平時真係好多野講嗎=.=?

返到學校，我陪敏企左係到，渣東岩岩返，佢話：你係到做咩？我話：我係到做工人，我係逼迫架。渣東話：仲以為你自願既tim。我就問佢去唔去bbq，中秋去既，係yu ka搞既。佢話：一陣我去到，佢話無叫到我，咁我咪好於？我話：佢叫我叫人牙=.=，咁我咪叫你囉=0="""渣東真係有點問題。

今日要集隊，今日早上雨都無滴，搞錯，搞到要集隊=0=""早完會喇，milk(今次無打錯喇瓜？=v=")同文佩琪望住我笑，佢地9成9係串我啦=.=""我就要做全級第一比佢地睇，看我的！

今日上堂又是悶悶的，家陣的上堂，以經不是以前的3D了，以前有家亮係到，淫野滿天飛，而家？已經找不到了..............

小息了，我同雞雞一齊落去，楊志文又打人尖買野食=.=，真係無家教，我地坐係到吹水，都幾開心既，比著以前，我一定有好多野要打，家陣，少得多了。

午膳，我又去做電燈膽了，其實我唔知聰哥佢地介唔介意，不過我逼於無奈的，事關我真的無事可以做了，我極之不想留在3D班房，我每天上課就是等小息和午膳(當然我有上堂的=v="")我覺得生活很呼燥了，不過有渣東，雞雞，孫孫佢地，我便覺得人生又有返希望，我每天只靠小息，午膳的動力去上課，沒辦法，馬死也要落地行，一定要過了這一關才行。

我見到聰哥，我問：邊個呢？佢話：邊個牙？哦，陳麗晶？佢係上面喎。畜生=.=，扮野，佢死都係咁話陳麗晶，咁無野好講了=0=""，跟住渣東都落埋黎，希客耶，我諗佢下次每日都會落黎了=0=""哈哈，跟住聰嫂話孫孫佢地好嘈，我就同孫孫佢地講：佢話你地好嘈耶。我都係遁例講下=0=""跟住我追問邊個鐘意我時，聰嫂話：係咪要家陣講？(當時果到好多人，孫孫佢地係曬到)  我話：唔係。後尾，我同聰哥，嫂，同渣東一齊返上樓，聰嫂話果個人同我同姓既，我話：你之前講左啦=.=""佢話：係咩？跟住上到5樓既後樓梯，我講果個譚罐串肥娟的故事比佢地聽，當我講完既時候，有人叫我，大獲，係肥娟=_="""今次大獲都無咁大獲喇，佢話：快D返上樓，我望一望，呢到係5樓黎喎。我就話：我係呢到架喎。佢話：咁快d返課室。大獲喇，佢有d神智不清喎，唔通佢聽到曬我講既野當時佢叫我果時既距離同我相差20米到，當我比肥娟叫時，渣東佢地勁笑，畜生=,=""返到去，我張呢件事講左比個女仔知，個女仔話，肥娟應該聽到你講咩。我當堂心寒了一寒，心跳加速，我意識到，我呢次真的大獲了。