呢個qooza成年冇掂過
本身都冇諗住打`太懶
但係去完個camp
覺得好有領受
又睇左好多人既感受
dump到依家`都想講下:)

um..從何說起呢?

今年既主題係成長 突破
第一晚分享果陣
我話自己唔夠果斷
冇錯`我太難係兩樣差唔多既事物入面做選擇
因為我怕後悔`我真係好怕後悔
但係果晚分享完之後`
我突然發現缺點係可以改的
雖然我之前都有嘗試去改
但係我已經自動波定位左自己就係一個咁既人
一個優柔寡斷既人
係自己咁樣幫自己定位
但分享完之後`我決定要改!
係做每個決定之前都同自己講要果斷d(!)

到左第2日
果個濕草地game
講求智慧與合作
智慧唔識講
但合作`我係feel到有既
有人係水入面setting
有人係岸上運物資
有人諗辦法
有人提意見
我學到既係
幾時應該係一個leader 幾時應該係一個follower
我絕對唔鐘意做一個獨裁者
亦唔想只係一個冇思想冇自己意見既follower
點樣係兩者之間搵一個平衡點`我get到了
 

至於高空浮木
係我三日入面最深刻既野
有唔少人可能覺得呢個遊戲係最悶果個
但我好有得著
我從來唔覺得自己係個細膽既人`亦沒有畏高
係上去之前`我係抱住嘗新既態度
但係上到去就另一回事啦
我跌左落黎一次
當我再上去既時候
我係度諗
我唔知得唔得`但唔試我會後悔
第二次上到去
一望落去我就驚
但我如果想完成`
克服係我惟一既路
雖然下面有六個人扯住條木
有十幾個人支持我
但要行完條木`都係要靠自己
當然仲有神啦
我學識要豁出去`當豁出去之後`
其實冇咩咁好驚:)

我聽到好多人都話今年冇上年咁好玩
um..但我覺得無論係上次定今次
主打都唔係黎玩
呢個camp中文叫生活營
係透過玩`體驗一D野
例如上年係"我們成為一家人"
今年係"成長突破"
上年好明顯地`我見到大家都FD左好多`有一家人既感覺
今年我都見到好多人都有成長同突破
例如lily突破左妳既公主~珍姐突破左你既冇自信
藍燕搵到自己既定位`唔再走極端`家欣好勇咁挺身而出!

我覺得今年既camp比上年更深刻
係終身受用`去完之後我覺得我成個人成熟左!
仲有`今次主打雖然唔係靈命`但我覺得我同主既關係都親密返好多:D
好開心:D
 

um..今年個campsite呢
係核突過上年果個都好多下
有d沙係上面既床單
黃琴琴既被同枕頭
連冷氣都死左一部
仲同好多小動物為伴
但係調返轉頭諗
我地唔應該用上年果個做標準
上年果個叫別墅
我地應該諗
仲可以訓係有冷氣既房
有涼沖`何嘗唔係幸運
已經比好多人幸福啦
唔係必然架:)

希望大家係個camp入面都有成長啦:D