星期三本來就係一星期最悶既一日,對其他人黎講邪教堂係今日最好既一堂,

但係,對於我黎講,英文堂先係最正既一堂,因為可以玩到西施死死下,

哈!!!!今日精彩啦!!!!平時只係得西哥出面玩西施,但係今日我都有份出場客串,

就係咁既,我就提議將所有既書同工作紙收埋,然後等西施走過黎刪我地,

我地再串番佢,開始行動既時候,我地將D野收晒,諗住西施會刪我地,但西施唔理我地喎!?

之後過左一陣,佢話叫我地攞本書出黎,佢終於發現左我地枱度咩都冇!!!!!!

佢走過黎問我地:Where is your book???????

我就同西哥話:no book!!!!no paper!!!!吹咩!!!!(吹咩係用中文講~~~)

西施係聽唔明吹咩!!但係就係要佢聽唔明!!!搞到佢頭都大埋!!!!!

之後要我地罰企喎,企左一陣之後我地又坐低,西施又走過黎話我地,

之後我地就話我地係有帶書既(用英文既),之後佢話我地昆佢,

要我講sorry,我就冇講到,但西哥條友仔冇骨氣講左!!!!!

西施話佢成日forgive同比機會我地,但係冇改善!!!

之後我就叫西哥同西施講I forgive you,之後西哥真係講左,西施傻左咁笑笑口,

lunch既時候西哥比西施追功課,西哥又同佢講:I forgive you!!!!笑到我死!!

咁西施就問佢星期五交唔交到,西哥就話:ok,D啦星!!!!仲要手指指,勁爆笑!!!

邪教堂今日講既課題係一向令我討厭講既:家庭,又要問我父母既資料,

除左做野既工作同地點外其他一概我都寫唔知,因為我從來冇瞭解家人.......

我係屋企只係鐘意得我自己一個.....

由於係我鐘討厭既課題,所以就想訓覺,加上唔知點解上次比呀蚊打個拳仲有少少痛,

唔知係咪因為打中左個胃....商業堂度再訓,一訓我就到左食飯先醒,而家已經冇事...