今日星期二第一堂係中文堂,一開波就要默書,miss都算好人,

比10分鐘我地再溫多一陣,鄧仲良就將貓紙收埋,備用....

到左開始默書既時候,我就有一個句漏左冇寫,

而鄧仲良雖然想用貓紙,可惜因為角度問題而睇唔到,

最後佢係漏空左好多交出去,而miss就話唔合格要重默,不過我應該唔洗掛......

之後旅遊堂就冇咩野教,都係個D啦,小息時候走上六樓,之後過多堂旅遊,

係玩分組比賽,最後我個組輸左,唉~~~~~~真失敗.......

之後就到左最令我討厭既英文堂,第一堂既英文堂落左去圖書館借書,

JEFF班友借左同一本書,點知比西施話唔比,最後就要重新簡過,

之後我地坐左係度吹水,點知西施又話我地,話要講英文,之後講咩隨得你.....

點知我地用d簡單既英文講,點知又係比佢話,有冇搞錯呀!!!!!!!!

番上去之後佢派左份野比我地做,點知都未做,佢就抄晒D答案係黑板.....

仲有d答案唔係佢抄,lee下先頂癮,之後我個書包入面D書掉左出黎,

我就諗住""汁""番啦,咁我就將""汁""左既書放左係枱面,

個死人西施唔知做咩野走過黎諗住搶走d書,好彩我攞得快,唔係就比佢搶走....

佢真係kai kai地,做咩無啦啦走過黎攞走我D書呀,佢冇野下哇,

d書又唔係你既,你搶黎做咩呀,有寶咩,個腦真係有問題,

之後西哥不停咁係度亂up野係度整蠱西施,笑到我死死下!!!!!

但係西施又唔罰佢喎,都話左佢地係兩母子啦!!!!!

之後數學堂永遠都係咁普通度過,會計堂就派左小測卷,有82分喎,都唔錯~~~

不過今日唔知係咪就黎放假,所以D人係度狂吹水,都幾嘈......

今日有會計補課,不過都只係講下點做會計功課,係MISS講緊野既時候,

點知A小姐突然係到咆哮左一大大大下:吼~~~~~哇~~~~~~!!!!!!!!

我同老大即時呆左,之後我覺得好爆笑,竟然會發出d咁既咆哮聲,

之後我同老,lo+,+ho一齊去kfc食野.....,途中見到a小姐同代號蚊既恐怖份子,

佢地係對面既馬路突然向我地lee邊做暗號,真係完全唔明佢做咩,

點知佢係叫我地小心東菇頭軍曹呀,但知道既時候已經太遲.....

佢好好奇走黎問我地:補完課啦咩??????我地話:補完... ,之後急急腳走左...

最後到左卓爾居,呀蚊同a小姐都走過去kfc食野,仲叫我唔好去隔離麥當勞食野,

我問點解,呀蚊就話:因為佢專整蠱d mix 既人,之後a小姐就笑左出黎,而我就無奈....

其實係因為個度有個痴線佬,專係叫人睇佢玩魔術,就算話唔睇,佢都會表演.....

係我食食下野出去攞紙巾個時,呀蚊又同我講左句野,不過癈事講係咩,

聽到佢咁講真係唔知點答佢好,又無奈地繼續食野.........

最後我同老大,LO+一齊去左書軒LO+買左兩本小說,

之後有得抽獎,佢抽到一大堆愛情漫畫,佢極度無奈,最後將15本漫畫比左我同老大...

SONIC~頭髮煩惱=.=

冇幾耐之前我先將個頭搞番好,不過仲係有另一個問題,

就係頭髮好攣曲,唔知點解右面前則頭髮總係會曲起仲要飛出黎(似隻角.....)

比老大同lo+笑到面都黃,唉.......唔通我真係要做負離子先得!!!!!!!!!!