今日係第一日既假期喎,我朝早8點幾起左身,開著部腦開MSN,

就見到係度掛緊機既老大同正係度玩緊MSN既傻晴,

到左後尾終於有其他人上左線,由於我,老大,JEFF,奶寧,西哥一齊去睇戲,

不過約人方面就非常之亂,首先最早起身既係我,老大掛機未訓醒,

到西哥上線個陣又要叫佢黎叫老大起身CALL我,再叫老大打比奶寧,

又要叫西哥打比JEFF,通知佢去睇戲,點知佢竟然冇開手機,

最後要搞到臨出門口個時jeff先上msn,最後就搞到我拿拿聲跑去搭車,

到天水圍西鐵站既時候只係見到奶寧同老大到左,

jeff就係係我到左之後既一兩個字後到達,最後只係剩低西哥,

有冇搞錯呀,仲有15分鐘左右開場,我打比佢,佢同我講仲未到天水圍,

比佢激死,今日我地去睇"翻生侏羅館".............

當我地去到既時候,個時以為好彩都仲夠時間睇11:35個場!!!!

不過,當我地去買飛既時候,個買飛既姐姐同我地講左句殘酷既說話.....

"你睇即場呀????即場得番1個位炸喎......"唔係下哇!!!!!!!!!

最後唯有睇1:50分個場,咁就由30蚊變55蚊啦,比個死仔累死!!!!!!

1:50個場都差D冇位,咁岩竟然有5個連位喎,LEE個係不幸中之大幸~~~~

唉.......仲有成2個鐘頭,都唔知去邊好,原來個死仔遲d既原因係佢為左sd歌比朋友,

頂!!!!!為左首歌就白白""sai""左25蚊,真係激死我啦!!!!!!!!!!!!!!!!!!!

食野個時我帶不停咁影相,之後行黎行去,終於都過左兩個鐘頭.......

入場睇戲啦!!!!!一開始竟然有新一套戇豆電影預告,上個時我一定要去睇呀

(不過邊個會同我去睇呢?????????)好!!!講講"翻生侏羅館",

主角係一個離左婚夾成日不停轉工既單親老豆,搵左有份安穩既工,

主角去左一間叫""美國自然歷史博物館""做夜更,點知係入面做夜晚看更既3位前輩,

就提醒主角要小心入夜後既博物館,主角當時咩都唔知,

直到入夜,佢竟然見到博物館既野竟然全部識郁!!!!!!!!

原來係一塊埃及既金塊碑令博物館既野都翻生,

匈奴王,野人,暴龍骨,等等等............主角要每晚同班友仔博鬥,

後尾發現3位前輩想偷走金塊碑,因為金塊碑令3位老野前輩變到勁過後生,

最後係博物館既展覽品合作之下成功搶返金塊碑.......

整套野冇冷場,好鬼死好笑,冇得頂,未睇就快D去睇!!!!!!!!!!!!!!!

睇完之後我就番歸,咁之後7點幾既時候,以前成日幫我整電腦既大哥就叫我出黎食野,

佢請我食壽司,之後仲買對鞋送左比我,真係多謝晒啦(感動中~~~~~)