今日大約10點幾起身,食埋野之後就開電腦錄電車男,

最衰上星期電腦隻火牛壞鬼左,搞到我錄唔到第二集,

個集睇到電車男由宅人look換番一個正常人既look,

當堂覺得佢靚仔左(當然唔係型仔,只係比宅人look好左=.=)

今集講佢同愛馬仕第一次出街,本身伊東身高171cm,伊藤淳史得個162cm,

兩個已經相差一截,伊東仲要有對鞋整高佢,加埋佢地兩個仲要平排行,

感覺上伊藤就更加細粒,最好笑係佢成日比個陣釜""合""佢,

之前日本有個電車男特別篇,可惜香港仲未有得播,真係好想睇呀!!!!

今日屋企又買左一批新既金魚番黎,今次既品種唔同上次果D,

上次個d係肥肥地同圓圓地,好似粒橙味既糖,今次既就係瘦既,

不過顏色方面就比個班肥波多D,有黃,紅,白,黑,

仲有另一種魚,好細粒既,買左紅色同藍色番黎,

希望佢地千其千其唔好好似d肥波咁快升天,唔係就穿2係"sai"晒..........

再過多半個鐘就做鐵達尼號,唔知點解呢套戲睇極都唔厭,

好鐘意個故事,因為夠感人,最後個呀婆將粒海洋之心掉入海,

係我細個既時候就會覺得個呀婆好"sai"野,有冇搞錯呀,

攞去拍買賣就大把錢,怕自己冇命享就將D錢捐比d非洲人啦!!!!!

而家就覺得佢咁樣做係咪為左將lee粒寶石同傑克永遠收埋係度呢???

現今鐵達尼號既所有生還者都已經去世,而最後一名生還者就係係2001年2月3日去世,

佢叫納夫拉蒂爾,享年92歲,１９１２年，當年只得３歲的納夫拉蒂爾，

與哥哥及父親以假名乘搭鐵達尼號往美國，當鐵達尼號沉沒後，

他與哥哥及另外７百多人獲救。納夫拉蒂爾在９６年亦曾到過沉船遺址參觀....

SONIC~鐵達尼號

送給你們,鐵達尼號既相

真正的鐵達尼號

電影的cg鐵達尼號