今日我地既第六節課堂係書展,

終於都可以買到呀sir推介既<<一公升眼淚~母親潮香的手記>>,

本書同<<一公升眼淚>>有唔同,係以亞也既媽媽潮香十年黎既告白所寫成,

聽呀sir講話佢覺得lee本較為好睇,所以我就諗住買lee本........

今日第一堂中文堂係默書,冇溫到書,好彩在下都識識地,應該都有70分以上掛,

之後就到左旅遊堂,呀sir講既野都比之前既悶,冇法啦,又咩可能次次都有野聽,

跟住既英文堂,偷拍西施行動又再展開,不過今日佢唔知係咪飲左靜心,

好似成個人降左火,冇咩點刪人,我地都冇咩野拍,最好笑就係光頭仔同西施講食屎,

點知西施竟然聽得明!!!!!仲叫番光頭仔食屎!!!!!!!!笑到我死死下!!!!!!

仲有就係比呀蚊同yuki捉左入組,仲做埋組長,個時仲要唔知發生咩事!!!(傻左!!!!)

呀蚊好搞笑咁不停問我佢靚唔靚女,之後唔小心講錯左係靚唔靚仔,

我話靚過呀笨同呀占啦~~~~~大家話係唔係~~~~~~

等左咁耐終於到書展,拿拿林去買左本書先!!!!開頭以為係50幾蚊,

點知係70幾,好在有書卷先冇咁貴,本來仲想買埋本<<一公升眼淚>>,

仲有一本教畫漫畫既書!!!!!但係已經冇錢!!!!!!!!!!!!!!!

我將教畫漫畫既書收埋左,等聽日睇下買唔買到!!!!!!!

跟住好笑,吳仲亮講錯野問我有冇大長今 (其實佢想問有冇一公升眼淚)

之後我好熱心咁不停叫人幫手搵大長今,但係佢竟然打我,有冇搞錯呀!!!!!!!

午飯過後係數學,不過冇聽書,因為放學之後都要自習,聽唔聽都算~~~~

我不停咁玩訓左覺既光頭仔,當佢個頭係天氣氣象圖,做埋天氣報告員!!!!!

光頭仔比我整左幾整就醒左,好爆笑呀!!!!!!!!!!!!!

會計之後係放學,去左剪髮!!!!!!星期六又忙,要返校幫手同去呀屈度打機,

唔知聽日睇到我個唔知再唔再係綿羊頭既sonic會點呢???????

SONIC特別場~~浪客劍"嘻"!?

今日旅遊堂既時候呀sir教中介機構,呀sir問如果係安排遊覽香港行程,會點安排,

由於今課悶悶地,呀sir就叫左嘻哥解答問題,仲話聽下有咩搞笑野,

嘻哥就話安排去大嶼山,呀sir問:之後呢??,佢話去玩大佛,又令全場爆笑,

嘻哥,你係得既!!!!!仲有就係書展時我買左<<一公升眼淚~母親潮香的手記>>,

佢問我係咪澤尻繪理香,又再次臣服係佢既gag之下.........

之後佢午飯比人收左手機,佢竟然簡叫佢呀媽攞番,話佢呀媽唔刪佢,

但係就不得而知~~~~~~~