今日星期五係家長日,我同老媽9:30搭車去學校攞成績表,

尋晚去去下洗手間既時候先記得要做個份問卷,

即刻拿拿林去攞番個份問卷去做(其實份野係比家長做,但平時D通告都係自己簽,

家長日我年年有份去,我老媽好似變左旁聽咁樣,所以我就係家長,家長就係我,

所以完全冇問題,不過五十幾題入面我都有問呀媽廿幾條.........),

好彩我記得做番,而且搵file戴住等佢唔好巢,唔係實比軍曹佢刪到我飛起,

係搭車既時候我不停提醒老媽要小心菄菇頭既班主任,防止佢會問一d問題,

之後我扮演軍曹,不停咁問老媽問題,搞到好似老媽去學校面試咁樣,

之後返到黎學校,第一件事就係比田雞老媽同佢班黨羽不停地咁煩住老媽,

叫佢上N101整咩水仙,老媽已經話唔整,田雞黨班友仲夾硬拉佢上去(可惡!!!!!!!!),

最後老媽比田雞黨捉走左,我唯有跟住上去,但係出面等老媽,

原本我地岩岩好10:30分上到去,比佢咁樣搞搞,遲左15分鐘(可惡既田雞黨!!阻我時間!),

上到課室,一見就見到鄧仲良走出黎,之後入面有DI DI姐,嘉兒姐同燕姐係到吹水...

之後有軍曹,印度西施同負責翻譯既201先生(因佢成日係201,又唔知佢個名,所以咁叫)

之後原來係西施見我,我即刻鬆晒,點知軍曹得閒冇野做走過黎聽喎!!!!!

我睇一睇張成績表,真係唔相信我會考第10,真係O左嘴,點之軍曹突然開口話我數唔合格

要留一個月堂喎,唉........不過算啦,西施同軍曹都總算係有笑容,不幸中之大幸,

西施話我好乖(咁都叫乖.真係好笑),好幫得手(雖然係想上堂去出面吹風先幫手),

但係算啦,聽完佢講野之後就啦啦聲走人........癈事有咩突發事件就死...........

SONIC特別場~~人物介紹(下)

呀蚊:4B最強危險人物,以強勁既拳法聞名......受害者為高佬.....

A小姐:真名陳思敏,曾經因SONIC(一隻)不停問英文字而爆發小宇宙(發火).....

YUKI:最強既摧花大盜,絕招係野球拳!!!(唔知咩係野拳球既朋友可以上網查查!!!!)

小龍妹&過兒:被jeff吳稱為家喻戶曉既"肥鵰俠女"

高佬:痴漢一名,日日比恐怖份子呀蚊打..........

由於個blog用劍心做封面,所以就用劍心既做背景音樂!!!!!

到換第二個封面為止,今日係第一首主題曲~~~~