今日係星期四~~~~~~到左最正既一日,

首先第一樣不得不提既事係今日軍曹同林曉燕炒大獲~~~~~~~~~~

真係利害呀,軍曹扮晒野咁話係為左中五先留低係lee度,

燕姐即時話你走左我好悶心喎~!軍曹即係面黑黑,之後同鄧sir報串(真係衰!!!!!!),

燕姐真係女中豪傑,為我地D平民出一口氣,佩服佩服~~~~~

之後DIDI姐同我講話佢原來一直以來都忍住唔出聲,而家先爆出黎(辛苦晒....),

之後就到左上體育堂,今日教踢足球(第4年教同一樣既野啦,有冇搞錯)

同左李寧,大佬ZETA,顏生仲有細肥一組(以上係以組中職位排列),

隔離組既西哥不時狂爆出笑料,爆笑度90%,同英文堂比仲差少少,

之後到左視藝堂,因為講錯野比MISS搞(其實的確係我講,不過經鄧仲良大聲爆出黎)

之後到左中文無驚無險,一樣係講緊敬業樂業,之後就到左lunch,

 大家講番話外星人既絕招"迷·蹤·步",真係笑到爆咀,

最後到左班主任節,開始時候軍曹同我地洗腦,話日本點衰點衰,

但我本身鐘意日本,所以完全冇理佢講咩,而且我都唔想係度講國家問題,

今期班主任節講麥兜,大家姐見到飯兜訓左,不停用一陽指督呀飯兜,

最後飯兜頂唔住一陽指既威力而醒左(注:其實之前大家姐都訓著左=.=),

最後經過一個鐘既無聊時光,終於都結束左今日既課堂~~~~

跟住夜晚睇高朋滿座既時候入面竟然爆左套魔路王3~張保仔歷險,我即刻笑爆咀.....

原因係李寧上次同我,飯兜&吳仲亮講話魔盜王會拍第3集(雖然係真既),

但係佢竟話有周潤發有份做,仲話會做張保仔(LEE個係假),真係笑到我碌地,

都唔知佢係邊度聽番黎~~~~~~