星期三係五日要番學既日子入面最悶既一日,

整日都處於神遊狀態既我根本唔知今日究竟做過咩黎,

最記得莫過於狐狸同聖母都分別成為幪面超人(由於係神遊狀態,想像到既都較為幼稚),

英文堂既時候大家姐用左一堂既時間去話人,一堂就用左黎講D冇用既野,咁就完左,

數學堂就稍為正常番d,不過成日比D圓搞到我頭都暈埋,之後到邪教堂,

MISS播左d唔知咩儀式既短片,唔知係咪我處於神遊狀態既關係,

見到片入面個個姓陳既人講野好似講到好似想訓覺咁,搞到自己都想訓埋一份,

最後經過埋有D野聽既商業堂之後,終於就到左食飯時間,

食完盒飯之後竟然不知不覺訓著左,之後過埋會計堂就放學,

題外話:最近終於把星矢既12個星座都儲齊左啦,真係好開心,

(我唔係宅人,儲星矢既原因係因為我鐘意星座,屋企雖然有龍珠同高達既模型,

但係都係由小個時候買左落黎,而家唔捨得棄置所留低,對其他人黎講可能覺得我幼稚,

但對我黎講係我細個唯一覺得開心既回憶,所以唔想棄置)

仲有就係希望狐狸快D好番,唔洗再做幪面超人