今朝早塔車既時候唔見傻晴,

就知道佢可能因為病左冇番,之前仲話自己冇事,你要多D休息呀~~~~

番到學校門口竟然發現平時4B男仔坐開既石椅度一個人都冇(唔通個個都凍病左???)

之後好彩返到課室之後呀Z同LO+都返左來,之後過左無聊既閱讀時間&

兩大堂中文堂之後,到左稍為冇咁悶既旅遊堂,呀SIR比左我地睇現今最大既遊輪!!!!!

"Freedom of the Seas"

第二位係"瑪莉皇后2號"(1號係拍攝鐵達尼號取景既地方~~~~)

Freedom of the Seas真係大得緊要,而且個網頁介紹更加相當利害,

網頁全部都係動態介紹,架船真係好正呀,住個度仲好過住屋企呀!!!

艘船十六萬噸、十八層甲板、長三百三十九米、五十六米寬、七十二米高

入面竟然連飛髮鋪都有,真係唔睇過都唔會信!

之後到左英文堂,今日都係做聆聽,大家姐又精神病發,

竟然叫我坐到最前,又將收音機放係我張枱度,再將部收音機較最大聲,

真係差D比佢搞到我耳都聾,最後經過埋數學同埋會計,

終於都放學啦,點知軍曹又突然間同我地講話最近見到好多"油炸鬼"

係學校locker既暗角位出現,個時真係完全唔明佢講咩,佢突然又講番油炸鬼既發源,

個時終於明佢講咩啦!!佢原來係話D拍拖既人成日係學校LOCKER既暗角位攬埋一舊,

真係呀!!!直接講咪得攞,成鬼日講埋晒d癈話,真係痴痴地!!!!!!!

唔係比面佢............D蛋糕!!真係係彩佢都傻!!!!!!!!!!!!!