今日就係陰濕女人既監察日,當我同我班既同窗過左睇圖書堂既時候,

個個就靜靜地咁等待佢既來臨,等左一陣,佢終於都到左,

整個課室就即時靜晒,完全唔同平日既課室,連平時訓覺既人都冇訓,

係西施教既書既時候,平時D人都係佢人佢講,我地有我地傾,

但今日全部人都係一粒聲都冇出,有d唔係好自然,

平時係西施刪我地叫我地抄既野,今日就自動自覺抄,

到左第一堂完結,陰濕女人話我地係佢係lee10年少數見到會自動抄野既學生,

唯一不足既係上堂太靜,冇人問或答問題,希望下次會有進步(仲有下次!!!!)

佢走左之後西施就開口刪我地,話我地上堂做咩唔出聲,

由於我地見到陰濕女人走左,又回復番正常(咁先係正常...........)

西哥lee個時候又再次發揮搞笑本色,唔知點解又講咩aim high,

之後過左數學同邪教堂,商業堂就有過小測,商業堂有個小測,冇溫書就當然唔識啦~~~

 睇怕凶多吉少,午膳時候西施追問我地既練字簿去左邊,結果冇人理佢,

之後我又拿拿聲走去書展諗住買書,點知比人買左,

最後用左$50書卷+$20現金買左本<<一公升眼淚>>,

在此感謝師傅($20),A小姐($10),關生($20)提供書卷~~~

之後到左音樂比賽,師傅出賽彈琴嬴左,之後有人唱""超人的主題曲"",

全場氣氛高漲,佢仲跳落台同人握手,不過比呀sir叫番上台,最後4:00比賽完結...

尋晚發左一個夢,見到一個人,

我比個人問:你唔覺得你好似小丑咩?每日都只係識引人地笑,簡直十足十小丑!!!

跟住就醒左,不停咁諗左好耐好耐,直到放學既時候都係到諗,

唔通我真係一直都係人地面前做緊小丑.............