今日差唔多12點先起身.刷埋牙胡遠msm叫我去紅樹林食野

12點半左右去到啦.李啟+胡遠仲有我係個度食

食野個陣都係度傾李啟去漫畫節既野.原來為左女仔=3=....

食完都差唔多一點.返到學校無留意玻璃屋個張紙.左搵右搵.搵左一陣先搵到補課既地方

去到都遲左.要企係度五分鐘.企係度個陣見到鴻裕個頭傷左...好核突....

講左一陣地理功課就測驗啦.測驗個陣李啟連個超人都玩一餐.我同胡遠狂笑...

補課差唔多完個陣梁炳係咁搵我傾計..見到佢個堆未做既功課就唔想理佢..我係咁叫佢做功課唔好傾計..

豬迪又係咁係度行黎行去..又係度煩鬼住..佢自己又成堆功課未做.同梁炳不相伯仲.不過梁炳都肯做野.佢玩一陣先做一陣.我真係好

想爆粗個陣..豬迪你努力d啦好冇????

跟住我幫阿sir搬埋d野就走左lo.走個陣梁炳同豬迪仲留係度做.....唉....

我返緊屋企樓下有好多人圍住..原來有個女人下午個陣跳樓死左...死既原因好似係同老公鬧交..駛唔駛跳樓呀?...

夜晚個陣同我阿嫲吹水先知原來我大表妹同佢男朋友分左手.分手既原因大概係我大表妹覺得佢男朋友無前途

平時出街食飯個d都要我大表妹比哂錢....佢地唔分手我都唔知原來係咁...唉...今日差唔多啦..