未起身之前..發左個好夢..我主動認識某位女仔...正當我同佢講得開心之際...鬧鐘叫醒左我....鬧鐘..我恨你...同埋今日豬迪生日

一起身勁大雨...我反而希望佢咁大雨...起碼一早落哂.下午個陣猛太陽.起碼唔會影響行程

因為咁大雨.無帶眼鏡.廢是整濕左個眼鏡.出門口後行行下見到肥軒.跟住一齊行一齊吹水啦..

行到去學校門口.朱永儀個朋友佢掉左銀包..我叫肥軒叫佢執肥軒話唔理...算啦..最後我叫左個女仔執...跟住肥軒講到我好似想追個

位女仔咁.我連佢係邊個都未知.點追人呀凸.何況我而家都有左鍾意既人...都唔知係咪因為佢驚比人話佢先唔幫人執..

跟住今日第一考聆聽.尚算ok..有好多陰人既地方...希望我可以全部睇到啦...

小息...同今日會去既人講返今日既行程...仲有豬迪同miss周講生日快樂.我就無講到.我認我係對有才能/靚既女仔咁細膽..跟住就考

宗教.宗教最後個度唔係好識..不過算啦.宗教=.=高分又唔代表勁

跟住放學.急步返屋企換杉去迪士尼...我星期日咁努力溫書都係為左呢日...跟住出到去買左電池去用數碼相機影相仲有入左一百蚊入

八達通.肥陞買左把15$既遮.跟住十一點幾上左E34.跟住去到大欖個陣勁大雨...個陣有d驚=.=跟住去到青衣就轉站去迪士尼

途中我用"批爭"打到肥陞隻眼勁紅=.=....i am sorry....跟住就唔駛佢還錢啦....不過錢又抵擋唔到身體損傷..真係好對唔住呀...

去到迪士尼...無上次四月去咁多人.仲有....勁細雨@o@.呵...我既推理無錯...kakaka..一去到迪士尼...就睇3D劇場.嘩...正....雖然

上次睇過.不過一樣咁正...

跟住...去食野.好貴.成六十蚊....食完野就狂玩飛越太空山..玩玩下豬迪見到有人有生日個扣針..咪陪佢拿囉

跟住就去左影相...同左好多卡通人物影相遲d我再放上黎比大家睇...

跟住影完相又玩過飛越太空山..玩左不下十次=.=......玩到一d驚險感都無=.=不過有一次.肥陞係最後影相個度做左個好樣衰個樣...

個個都串佢..佢即刻閃人...跟住我就影左張相啦...哈...跟住肥陞問我有冇影到佢樣衰個張相.我就話無啦...放心啦肥陞..我唔會比人

睇既

跟住玩左小熊維尼個遊戲...影唔到相...郁得太西利....

最後..玩小飛象..個陣都就黎黃昏..個天勁靚..如果同到鍾意既人一齊坐就好啦...原本有機會既.只怪自己唔爭氣=o=..不過一諗起同

到最鍾意既人坐既場境...我就好興奮..

跟住玩多陣就放煙花...我地由7點幾等到8點半.等左好耐...身水身汗..不過...煙花好正...個煙花放左差唔多十分鐘...最後放個陣

個天勁光..好似天光咁..個陣我左望右望..最令我難忘既係我望向右邊個女仔個陣.佢個樣由光變黑...真係好靚個煙花....如果個女仔

係我鍾意既人仲好>_<...

跟住就去左買記念品..肥陞買左條95$手鏈.一共2條..2個手鏈合埋一齊會有個心形..好有心思..我既價值觀比佢影響左.我都買左條

小熊維尼同豬仔既手鏈...

跟住搭車個陣..肥陞係咁同我地訴苦...聽者流淚=.=.....同埋佢付出都唔少...我唔知得唔得...

跟住返到去食飯...跟住就訓係張床度...訓緊個陣我諗點送俾佢好...諗左好耐...諗到幾個方法

1.生日送<---有排等...差唔多半年=.=

2.當面送<---同佢唔算熟...同埋都無名義送俾佢..唔通無啦啦送俾人咩...

3.叫朋友幫我送俾佢<---無乜意義....

最後決定左生日送...不過...我送唔送到都成問題.搞到我又諗過點送.個心好亂.....諗諗下就累到訓左...