之從上次之後....好似好怪咁....我唔識得點講....仲之我自己feel到d野....但係我又要扮晒冇野咁...好辛苦....唉...成日都搞到自己唔開心...都唔知為乜....真係好唔開心.....但係真係唔想同佢散....以家我覺得自己就好似困緊"車立"咁....唔上唔落...又唔知可以點算...唉...我都未試過咁架...有就等於冇....

尋日晏就3點幾..出左去..搵肥肥地篤波...好耐都冇篤...同埋尋日其實冇乜心機篤架...只係唔想成日係屋企...所以先出去....篤左2板...都輸....跟住5點左右啦...同肥肥係盈記食野...食完..我就自己行去大興搵爸爸...問佢拎錢.....

跟住又行去新虛...揀窗簾布....哈...好靚呀.....好多隻都好靚..好想要....跟住揀完...我就自己行過市心搵陳小姐啦...佢一黎到..就捉住我...話腳軟...佢話見到黎生同條女一齊...咁我地就行得好快去睇下啦...但我又唔見有女wo...之後同陳小姐坐係水池個度傾左一陣計....唉....佢都好呀...冇左個橙仲有粒甘...粒甘冇埋..仲有粒吉呀.....我...冇左...就乜都冇架啦.....而且唔會有機會有返...

跟住我地就去左柏麗租碟睇...哈...租左好多隻呀...有"哥哥，我愛你"....麥兜既"菠蘿油王子"..."愛上唐老鴨"...."變蜥人魔"..."下妻蜜語"....好似冇lu....hehe....

仲企係人地門口睇小丸子呀...真係好好睇...我要租晒返黎睇...哈哈

今日我send左個sms比佢...之後佢夜晚先打返黎....我冇乜點講野..佢都係...但係聽得出..佢對我...已經係抱住放棄既態度...冇得怪佢...只能怪自己....小朋友...佢有問過我個日既野...係小朋友脾氣...定係咩事...其實我好想話比佢知...唔關小唔小朋友脾氣事....係我呷醋....我唔据佢果個所謂既家姐...我唔鍾意佢...我知..如果我咁同佢講..佢一定又係覺得我好小朋友...係又好..唔係都好啦...我同人做fd真係好簡單...得鍾意同唔鍾意...開心同唔開心....唔鍾意..但係玩得開心既ok..冇問題...一樣會同佢玩.....又或者係鍾意但係一齊玩唔開心既...最多咪淨係搵佢傾計囉...但係佢果個家姐...我真係唔鍾意...更加唔鍾意同佢玩...因為條女成日比k佢索....同埋條女一係度...佢就冇乜點理我...所以我極之憎佢....

跟住講講下...本黎我忍緊喊既..但係陳小姐一黎...我d眼淚就自己流左落黎...跟住講多陣..佢食飯...收線...我又想喊..但係忍...跟住同陳小姐傾左幾句..我又忍唔住...喊...但係我好快收返...哈...唔知呀..我唔鍾意喊...好矛盾....我真係好想同佢耐...唔想咁快散....我咁大個女...第一次咁樣架ja....之前林生...我都冇盡力佢挽救....但係我今次...真係覺得自己已經做到好cheap架啦...平時d fd失戀...跟住又搵返條仔..我會覺得好cheap...我會覺得...冇左果個...可以有第二個...猜所謂...但係以家自己又係咁...所以覺得自己好cheap...好犯賤....我唔知自己有幾鍾意佢...我淨係知...我唔想同佢咁快散ja...但係以家又搞到咁唔開心....咁兩個人一齊...唔係應該最緊要係開心咩...唔開心既話...就算一生一世...都冇用啦....我真係好矛盾...唔知自己想點...唔想散...又唔想唔開心...我d fd既男朋友...好好..好專一...不過..我d fd同我唔同...佢地比起我...."經"貴好多....而且冇我咁曳...又唔似得我咁冇用...更加冇我d脾氣咁差...又溫柔...又識煮野食...我就乜7都唔識...淨係識得玩....

唉...唔怪得以前d人成日都話..."竹門對竹門, 木門對木門"啦....自己係咩人...咩條件...就只有d唔好既伴侶....就算有好既...最終都唔會一齊....唉...但係又唔岩得晒咁wo....其實自己都有過好既...但係都係自己唔識珍惜...我今次真係唔想第時自己再後悔呀...所以我會盡最大努力...去做好自己...去改變自己....直至人地飛我...我一定唔會講散...因為唔想自己後悔....同埋...真係想拍一次可以好耐好耐既拖...學下點樣做好人地既女朋友...

死...喊唔出...好似冇晒感覺咁...到底點解...係麻木左...習慣左....太傷心...定係咩呢...但係又訓唔著...食左藥..都訓唔到...再食花草樹木...都係訓唔到....

我已經盡最大努力架啦....結果係點都好....起碼我第時唔會後悔....感覺...今次真係大個女啦....我都知自己真係好有問題....好想改....但係無奈...個一刻真係忍唔到....學識反省...學識道歉....不過...已經冇用啦....希望下次...自己會做得更好.....

知道自己既脾氣...真係想改...矛盾...又想簡單d...好想好似細個咁...想講乜..想做乜...唔使理人...好想好似細個...唔識諗野...唔會自尋煩惱....最想就係好似細個咁...咩都唔識唔知...最單純...最天真...但無奈...人大個...身邊既人同環境唔許可.....

好想多d人會關心同埋錫自己....雖然以家都有唔少..但係覺得唔夠...好想全部人都關心我...錫晒我...所以特登做埋d唔好既野...等人地關心自己...因為發覺呢個世界好現實....可能把口係關心你...但係個心係想你死...好驚...覺得好恐怖..點解唔可以簡單d..直接d...討厭大人既世界...