唉...我諗我地真係唔係咁夾....或者係我地唔識溝通...又或者係我同你都算係幾自我個隻啦...唉..唔知呀..算啦...我今年生日...都係注定冇男朋友陪我過架啦....我都預左...以家早d散..仲好過好似以前咁...生日前幾日先散呀....

今朝係陳小姐度一起身...個喉嚨勁痛...痛到好似"烈"左咁既feel...真係勁痛....痛到講唔到野..本身唔想返工既...但係廢事啦...最多返去同佢講喉嚨痛..打唔到電話ja....跟住整好野啦....同陳小姐落樓先...因為佢想叮叮...落到去...叮緊個陣..佢又話想遲到...咁我又唔舒服..本身已經唔係好想返..佢一講..我緊係話一齊遲架啦...哈哈...我就係咁架啦..自己諗下都仲忍得住既...但係人地一撩我...我就忍唔住架啦...呵呵...

跟住去左kfc後面樓梯坐..搵埋肥肥同apple...一齊遲...哈哈...跟住亞肥黎到...我就問佢上次我問陳小姐個條白痴問題...到底人係咩類...哈哈..我發覺...真係得我一個答人類架ja...冇計啦..我太叻啦..哈哈....跟住又笑...又喉嚨痛wo..但係我又好想講野wo..唔理啦...死人肥肥..又拎隻老鼠出黎嚇人wo...我真係比佢嚇到啞左....叫唔出聲...仲要比陳小姐見到我個下囉..勁樣衰呀..哈...跟住apple黎埋...傾多陣...玩多陣...叮多一叮...就走lu....

我就自己去搭車啦...點知一上車就訓...仲要一訓就訓到最尾果個站...即係油唐....痴線架..我咁大個女..都未去過油唐架...嚇死我呀...好彩...行去mtr都唔係好難ja....返到去11點啦....跟住1點又lunch wo...但係我諗住去完廁所先返入去拎錢個d落去買包上返去食架ma...點知..我去完廁所..."禁"極鐘都冇人幫我開門囉....妖..有人係入面架..但係d人衰..唔開門....搞到我冇左半個鐘囉.....唉...

跟住我真係好唔舒服..就同mabel講...想早走...咁我就4點走左啦....返入屯門...打比陳小姐..又搵唔到佢...咪返自己屋企先囉....岩岩上車..陳小姐就話佢返左屋企啦...唉..算啦..反正我都想返一返屋企....跟住又出返市心搵陳小姐啦...但係發覺自己有野冇拎..係屋企...咁就同陳小姐去租完碟就又返我屋企啦...跟住9點幾10點又出返市心...唉...好累....

P.S. mabel真係好好呀..佢知我喉嚨痛...買左d喉糖比我食呀...雖然我唔鍾意食..但係我都好開心呀..哈..跟住佢仲比左佢手提我呀...如果唔係mabel...我聽日一定唔會返工....哈哈...

好悶呀...尋晚係陳小姐屋企訓...一訓醒....個喉嚨唔舒服..好似跑完好耐..冇水飲咁...好乾..好辛苦...跟住即時飲野啦...好似好d..咁就冇理啦....

跟住8點上車...好早返到去...又係咁打電話...但係今日好悶...冇人理我...某人又唔知死左去邊...尋晚冇聽電話...之後就一路都冇打返比我...真係好憎咁樣..我真係覺得好累啦...對我好一日咁大把...之後又打回原形...算啦...唉...

哈..今日做左件好白痴既事...就係lunch個陣...自己係美心買左個包包...自己行左去好遠好遠既公園仔坐係度食...個度都真係幾遠架...要行3個字左右啦....跟住食完坐左陣..就行返去啦...慢慢行..行到返去...都仲有大把時間囉...哈..雖然好白痴..但係發覺好舒服架...本身凍凍地既..好彩我有著埋件褸出去...唔凍...而且覺得d涼意...即係話冬天黎啦...哈...希望今年會超凍就好啦..我好想自己既生日係要好凍好凍咁...跟住攬住自己既愛人...哈哈...咁就正啦...我年年都想架啦...但係唔知點解..我同陳小姐一樣...次次生日...都一定係冇拍拖既..我仲衰....試過幾次...拍緊拖...生日之前先至散...哈..不過個陣係我自己衰ja..唔怪得人既....

跟住6點半放工...即時搭車返入屯門...搵陳小姐...跟住唔係好記得做過d乜lu..哈哈...仲之..最尾係返左陳小姐屋企訓啦...因為佢個度放便我搭車返工呀ma...hehe...

今日第一日返工...好悶呀...仲要遲到..不過係遲幾分鐘ja...哈...

去到...就教我點樣做野啦...淨係打電話...仲要自己一個人係一間房入面...真係好悶呀...10點先開始打電話...好彩....有某人陪我傾電話ja...哈...傾一陣收線...就calld客...又傾一陣又收線..又call客...一路咁樣都lunch...1點先lunch...餓死...

跟住lunch又唔知去邊食..又唔知食d咩好wo...咁人地鍾意食車仔麵個d架ma...個度又冇wo...本身想行去amp既...但係因為自己開頭行錯路...咁又諗住多時間..所以周圍行...行左半個鐘...又唔夠時間行去apm wo..咁就冇去啦...求其搵個茶記..食個通粉...咁就30蚊啦...痴的....食左半碗....飲左3份一杯cot....蝕左...哈哈...聽日都係食個三文治算啦....

跟住去7仔買糖...2點就返上去...又可始打電話...打左幾個...又好悶...send短訊比人...但係d人冇覆...估到佢訓左啦...唉....跟住就冇停過..係咁打...打到4點幾...開始發覺原來自己打得好快....就開始打下停下咁....好悶...又坐到個pat好累..好痛...跟住又想去廁所wo...但係又唔敢行出去wo..唉...好慘呀..

跟住仲諗住最遲6點半收工啦...但係又冇人入黎叫我收工..我又唔好意思行出去問wo..好似搞到我好趕時間收工咁..廢事啦....一路到6點9...終於有人叫我收工啦..太好啦..仲要話計我做到7點...哈...我即時走人呀...唉...希望聽晚唔好咁遲收工啦...真係好累呀...又眼訓...又凍...聽日一定要帶褸呀...

跟住就返入屯門搵陳小姐...之後去食野..食完行左陣就返富泰...返到黎沖涼...打日記...呢幾晚都會去陳小姐度訓...因為方便搭車...he....

p.s.d人好似對我好左咁..哈...先苦後甜都好既...希望d人可以keep到以後都對我好就好啦....

哈哈...今日晏就4點幾...d人打返比我lu...

跟住我6點就出門口...約左爸爸媽媽呀...今日係我地第一次出街呀....真係好開心....我地首先去左影相相....哈..記念我地既第一次....佢地仲應承左我...每個月既今日..都係fimly day...跟住就去買定飛先...再去無印買我d沖涼泡泡同埋買野食....跟住行多陣...就去左鮮果園...飲野.....之後又去返朗豪坊行多陣...就夠鐘睇戲lu....我地睇超級無敵獎門狗之世紀大變兔呀....我想睇好耐架啦...某人曾經話會同我去睇架....不過算啦..以家有爸爸媽媽陪我..仲好...哈哈....

今日用左佢地好多錢呀...我話過...等我出糧...我就會請返佢地....同埋我應承佢地...我會乖架啦...仲有..我會聽你地講架啦...下次去邊都有問你地...因為唔想你地擔心呀ma....你地對我好...我就會乖架啦...哈哈...

聽日要返工lu...不過係pt...返幾日架ja....哈...咁就岩晒我啦....我會乖乖地返工架啦....你地對我好...我知架....你地個個都咁錫我..我都會錫晒你地架啦....真係好開心...好多謝你地對我咁好....

今日係富富生日呀...生日快樂...

今晚又落d...同富富搞生日....哈...本黎有d心事既...但係好彩有細佬爸爸同埋屎屎媽媽陪住我...多謝爸爸媽媽...

我好開心呀...有你地咁多人都對我咁好....我真係覺得好幸福...哈哈...我地玩到6點就走lu...又係爸爸媽媽陪我落mk搭車....

富富都好好呀..佢生日...但係d糖冇收我錢..仲要比左50蚊我拎k...哈...我仲有個哥哥呀...豪豪哥哥....佢都好好人呀...