最近好似好忙咁...因為要返工啦...跟住前兩日...vtc個媽媽搵返我....呢兩日放工都同佢行街....哈..好開心呀...好耐都冇媽媽行街...我地兩個都好白痴呀...哈..媽媽仲比我搞到佢都好曳...行街係咁搞人地d野..係度搞事...哈哈...我仲見到佢條仔...即係我爸爸..好搞笑...又係好低能既...哈哈...

好鍾意同媽媽傾計呀..哈哈...我有兩個媽媽..佢地都係對我咁好架..我兩個都咁鍾意...哈哈...

呀...今日好累呀...ot呀...差唔多9點幾先返到屯門...累死...跟住又係同陳小姐去華都食小丸子....因為諗唔到食咩...he...又係係陳小姐屋企訓....

返工仲係好悶...都仲係要打電話...哈...不過係我自己特登打得好慢....因為我想返多幾日工呀...其實我可以一日打得晒....但係我分左3日黎打....呵..返多幾日..就多幾日錢啦ma...yeah....

唉...唔知你記唔記得呢...今日係一年啦...哈..唔知點解我會咁記得...唉...不過我記得都冇用啦..都唔知自己記黎做乜...但係真係不知覺會數住...唉......其他人我唔知...你係咪因為有第二個先同我散我都唔知..你對我係咪對我最好唔知....我淨係知...你係我咁多個之中...最比我feel到你真係鍾意我既...因為話晒都一齊左半年呀ma..哈..點樣都唔會係玩我啦...玩我既就唔會玩半年啦...因為我知...半年對你黎講..都唔係短時間......我都唔知以家自己仲係咪鍾意你....我真係唔識分...

唉..我又好想同你好似fd咁...但係我知你一定唔肯..就算你肯...都係得把口講....咁都岩既...話晒都一齊咁耐...仲邊有可能做返fd呀...唉..講笑咩...哈哈..

算啦...點都好啦...如果你以家有女朋友既...就對人好d啦....大個仔啦....要真係諗下將來架啦....如果冇既....都唔好搵我..哈哈....我都知你唔會搵我既....仲之就希望你同我都搵到個真命天子/女...啦...哈哈...

哈..今朝一早..7點幾個陣..卡窿打過比我..但係因為我尋晚食左藥..所以訓到聽唔到呀..哈哈..

跟住10點幾...陳小姐先打黎叫醒我...咁就起身整野啦..11點幾12點就出門口...卡窿同陳小姐已經係樓下等緊我啦..跟住卡窿就車我地去小坑村個度搵fish同暴龍啦....哈...我覺得fish個樣好得意呀...暴龍肥得黎都幾靚架....跟住我地就去元朗搵埋卡窿d fd食野...食日本野...食完毫去左南生圍..我第一次去架ja...個度好靚呀...好舒服..哈..好正呀...

跟住就出返元朗千色...我地去左影相..哈...好搞笑....係咁影...影完都5點幾lu...fish要走啦...跟住我就同陳小姐兩個周圍行...行左陣...搵地方坐左陣..我食藥..哈..第一次係條街咁樣食藥囉..好樣衰..但係冇計啦...真係好痛呀ma...跟住就行多陣...之後就去食野啦....去左食我好耐冇食..又好鍾意食既"9"菜餅...哈..好味....食完...就等卡窿黎車返我地返屯門啦....哈...係架車度已經係咁笑...跟住陪暴龍佢地去食野..又笑..笑得仲好勁...我又笑到想喊..哈哈...好搞笑呀....卜卜脆...呀..唔卜啦...哈哈..低b呀...笑死....

跟住就車返暴龍返小坑...再車我地返富泰..之後卡窿就走啦...哈..好玩呀...卡窿手車唔係好勁...但係都好得呀...哈哈..我又係坐車頭...真係好好玩呀....正...i like it...呵...

跟住返到黎...整蛋糕...本身諗住整比人架...人地聽日生日呀ma...唉...但係整得好衰囉...以家都唔知比唔比好啦...咁樣衰....跟住cyber果個亞屎條女打比我..哈...叫我落d wo...晏就個陣...媽媽都打黎叫過我落既...開頭都諗緊架啦...以家更加想...呵呵...而且d人之前自己都落左幾次啦...我今晚都要落去玩返夠本...呵.....喉嚨痛都唔理啦...死咪死...呵...以家要整野出去lu.....聽日都係唔返工啦..kakaka

今日返工又遲到...因為同左陳小姐去華都食野...哈..一食完...兩個都去左痾屎...哈哈..痾完就各自走啦...

返到去..10點....跟住又開始打電話啦...哈..好開心呀...今日終於都有人去啦...而且唔只一個呀...有4個...打咁多日...終於都有人肯去..太好啦..開心死...但係我喉嚨仲係好痛..唔係好想講野...跟住Ark冇啦啦send左個sms比我wo...嚇死我呀...原來佢唔開心呀..唉...但係我想朝早打多d電話...晏就可以唔使打咁多呀ma...咪話lunch先同佢傾囉...

今日lunch我好醒呀..唔理咁多...拎埋錢個d...買完包包返上去...食完先去廁所....本身以為今日last day...諗住去左古古力比mabel架...因為係得佢會理我...同埋對我好...我差唔多冇同其他人講過野..但係間公司好大架wo..好多人架wo...但係d人好衰囉...所以我真係唔鍾意返文職就係咁解....d人個個都啞既.....但係我又唔想行去amp wo...好遠呀ma...但係得個度先有吉島....唉...最終都係冇去啦...跟住我自己去左後樓梯煲煙...同埋send sms比主人...哈...

跟住lunch之後...又開始打電話啦...今日都打左幾張..不過冇第一日咁多...今日打左7張左右啦...跟住mabel入黎同我講...叫我返埋聽日啦...同埋返埋下個禮拜...應該會一路返到下個月1號...但係我聽日唔想返...所以就話聽日唔返啦...哈...跟住mabel真係好好呀...佢見我寫返工時間張野wo...佢改左我d時間呀...本身我尋日11點先返到黎..佢改左10點半返到...4點走..佢改左4點半先走...哈...咁我又多一個鐘啦...佢真係好好人....

我亞頭一早就走左...6點4個陣...又係得mabel入黎叫我放工囉...如果唔係..我諗我真係會坐到6點半架....跟住又返入屯門搵陳小姐啦....行左陣...我真係忍唔住啦...好想買玩具...跟住等陳小姐落黎個陣...自己去左買玉桂狗既糖+玩具...哈..仲要買左2樣...好開心呀....好靚....跟住陳小姐黎到...我地就行左陣....d人話想要gucci電話繩...睇左...1350...我諗我返2個禮拜工...都夠買...但問題係...返有咁快出糧呀...唉..我諗我又要問人借錢啦....

跟住去左華都食野...食完就上陳小姐屋企...睇埋個半隻碟...跟住我就執埋我d衫...亞財就黎車我返屋企先...再同陳小姐去搵撚仔個d...唔知點解..我唔想去wo...

本身陳小姐黎我度索野既...但係我喉嚨好痛呀...真係就黎爛啦..仲索真係會死人囉....跟住佢就冇黎...返左佢自己屋企啦...我就自己係度睇返now套網劇...上年睇開架...睇淨5集...頭先一次過睇埋...最尾呢幾集有d悶...最悶係最尾個集...但係到左ending個陣...嘩...好感人呀...睇到喊...."小瓶蓋"...."達達"...."打勾勾..蓋個印"....真係好好睇...

唉...唔得啦..個喉嚨真係好痛呀..聽日要去睇醫生...真係頂唔順...連吞口水都勁痛呀....