哈..勁正...今朝早10點起身..整野..跟住就同萍萍同埋佢d師奶朋友一齊搭車出去klb..再轉車入去9展...我地去到都差唔多12點左右啦..食buffe..勁多沙律..我最愛..又多cake wo..又係我最愛...cheese cake..i like it..

食到2點左右...就走啦...勁正..一個人都係50蚊ja..我請埋萍萍食..哈..佢緊係開心啦..多左我呢個咁乖既女....哈...傻婆...之後我就同萍萍兩個行左一陣宜家...我又見到我之前睇中果個好似帳篷咁既野...真係好想買..比萍萍笑....之後又睇中左個被袋..好靚...買左...哈...新年可以換新被袋...

之後送左萍萍搭車...我就自己搭車出mk...搵bb啦...跟住路比都有落場...就一齊行旺中...哈...買左兩件都ok既衫...150蚊ja...但係都揀左幾耐下...最尾又係買唔到褸...真係好想買褸呀...但係路比叫我唔好買wo...唉...跟住又睇皮褸...今年興呀ma...哈...但係著左上身...發覺我個樣真係好低能...同件咁型既皮褸...一d都唔襯呀..我終於知點解我以家21..都有人估我17啦...就係我個樣太kind啦...超白痴...跟住高佬又黎埋...之後又買左條短褲..哈..我上年買左兩條..今年又係...

跟住同佢地食野...食完...bb同高佬要走先...我就同亞婷行多陣lamhang...去左睇"姐"仔衫...勁靚...又可以著到下年wo...300幾呀...好想好想好想買...跟住又睇中2件hyoma既衫...180蚊ja...不過路比話留返星期日先買wo...好啦..

跟住送路比返工...我又搞左一輪先走..屎屎媽媽問我今晚落唔落d...e..我都勁想落呀...好耐都冇去啦...但係今晚又冇人去..同埋我15號又同亞珊同埋bb個d去....唉...都係算啦...忍下啦....

之後返屋企啦...亞毛打黎...跟住我就落左去..同佢同埋亞豪食野啦又....今次係緣茵...食粥..好飽..我同亞毛食一碗...哈..亞豪自己食..佢都食唔晒..我地兩個就岩岩好...跟住就去左惠康...屋企冇野飲啦..見有人幫手拎..就買多d..買埋零食..哈..返我屋企....佢地兩個上黎...又唔知做乜wo...勁搞笑...死人小bi...又係咁吠wo..發癲...之後我係咁整估小bi...哈...笑死佢兩個...跟住萍萍冇啦啦返左黎wo...嚇到我地3個死呀..之後佢2個咪走囉....哈..

聽日要同萍萍去睇床...同埋要去整身份証...唉...又要再整過...激死我....

哈...今日係last day啦..太好啦...我仲要遲到8點半先返到去..但係我寫返7點半..呵...反正都冇人會理啦....yeah...

之後9點..有個新既full time返左黎...屌..扮晒野..勁黑人憎..我都未走ja..就係度扮晒大家姐...好..你話你之前做開呢行呀ma...我唔使教你野啦..自己做啦你...哈...連明哥都係咁講..話佢串...

跟住又唔幫手wo..淨係做自己野....好似好忙咁..但係完全唔知佢做過乜囉..跟住唔理啦..哈..我地又幾個自己係度玩..我仲特登比佢地3個放lunch..計埋返工既時間...呵...之後我都有話比佢知...佢地係有lunch架..但係唔知佢唔會放啦..同埋我篇比佢地既更表..好似想改囉..唉...佢地3個以後都唔知點算啦...哈...我就咁走左..唔理佢地..好似好衰..但係我唔走既話..我會仲慘過佢地囉..冇計啦...

之後本身我想唔落場..快d放工既..但係我又好眼訓wo..我一時同佢講話落...一時又話唔落..哈...玩野..我有lunch架ma..一時又話食..一時又話唔食..哈..又玩野..我唔係特登架..咁我自己都好矛盾呀ma...哈..之後都係唔lunch..落場..我仲要比平時遲一個鐘先落場..比亞fa早d走..

跟住返屋企..返醒又返去..收工個陣..pack埋d曲奇..我地就收工啦...走個陣..周圍同人講88..話晒比d人知我唔會再返黎返工...

今晚楊生出糧比我地...比票..個陣佢同我講..叫我做得唔開心返去做wo..車..一定唔會唔開心先啦..跟住我話..唔會啦..我咁冇用..成日都比人話..埋數又埋唔好..做乜都做唔好..講個陣..我好想喊架...但係忍住..我唔會衰比人睇既...我仲突登講好大聲tim..之後楊生都見到我想喊..就拍下我...同我講..唔會冇用既..冇用咪返黎囉..我訓練到你有用..哈..又係度講笑..哄返我...

收工之後..本身佢地同我farewell...但係明哥要返大6拎糖..因為新年個陣會貴d..所以以家拎定..哈..冇所謂啦...下次囉...

今朝我真係起唔到身..真係頂唔順啦...唉...想死...跟住亞fa打黎...我就話我今日唔返...跟住亞東聽電話...亞東叫我打比大佬同佢講wo...咁我就打比佢..佢叫我淨係返夜晚..返去埋數得唔得wo..都得say no架啦...車...

跟住我就繼續訓...訓到晏就3點幾...起身...玩電腦...之後萍萍買左栗子返黎比我食...好味呀...好耐都冇食過...個d係街買個d炒個d黎架...正...呵....食左半包呀...跟住沖涼...之後等埋萍萍煮埋飯...我就自己食左一條魚..同幾舊燒鵝...食完...就同萍萍一齊出門口返工啦...哈...

返去之前...搵左肥肥佢地...借野比亞欣...之後一齊行...差唔多行到..我就行先..廢事比人見到啦...之後就切飽...切完就埋數...嘩...今日勁少錢呀...哈...不過都唔關我事啦..抵佢死...之後又係隔離英英幫我手....埋完...我又係自己一個收舖....拎左個慕絲蛋糕過隔離比英英食...之後再拎2個芝士蛋糕比椰林..同埋1個比7仔...哈...都係拎埋聽晚ja...所以我聽日會係咁拎野比佢地食架啦...呵...

跟住我就返屋企lu...今日返左3個鐘ja...但係唔知點解...好似好累咁...不過唔緊要啦..我今日講左...我都係返埋聽日ja...之後放3日假..先再返豪景..呵...其實我想放耐d..可以放一個禮拜就好啦...不過是但啦..好過冇...

同埋聽晚公司d人同我farewell....後晚就同7仔椰林個d...哈...我有假放...可以去買衫衫啦..呵呵...正...

今日返到去..見到楊生就同左佢講唔做lu....之後好夜收舖個陣先同大佬講唔做...跟住放工..本身亞毛同亞豪話等埋我既...但係我叫佢地走先..因為我想靜靜雞拎蛋糕比7仔d人同椰林d人食..跟住我一拉個閘落黎...7仔果條友..即係走埋黎...嚇死我呀..樣衰..唉...

跟住同亞儀傾左幾句..我就話要過置樂搵fd...其實我係返豪景...佢又跟埋黎wo...好彩我上去之前..佢話要去買野..先走左..我就即時自己上去...之後佢又打黎wo...問我係邊..我話係人地屋企..哈..佢又信wo..佢又問黎唔黎得..我話廢事啦..男仔fd...之後先冇野ja..唉..勁煩..

跟住等梁生返黎..就同佢講我返黎做..一講佢就話好..緊係好啦..咁wo...傾左好耐...跟住填埋d野..我就返屋企lu...返到黎...睇埋摯愛..跟住就訓lu..

今日係05年既最後一日呀...時間過得真係好快...2月24號...冇記錯既話...呢一日係我識亞婷, 卡樂b佢地既第一日...哈...3年啦....唔知我地可以做fd..做到幾多年呢....可能真係同佢地一齊返學耐d..同埋岩傾d啦...而pinky佢地...冇晒蹤影啦....我地都識左2年啦....

今日又遲到...唉...好累呀...好想放假....我都唔知有幾耐冇放假啦....好彩...我篇左自己返落場更...仲要咁近...每日都可以返屋企眠一眠...如果唔係死左好耐啦....今日落場個陣...過左對面間野睇褸...睇岩一件既...不過好長呀...我唔想要咁長...我想買中褸...因為著裙又得...著衭又得呀ma...哈...跟住都問下幾錢啦...佢本身8百幾..差唔多9百既...不過新貨有9折...同埋佢地知我係對面舖....話仲有得再平...即係7百蚊左右ja...e....好想買呀...屌呀...但係如果等到出糧...乜都冇啦...仲有呀...亞毛話我知...v.w.有半價..但係我都冇錢買啦....唉....

跟住返屋企訓覺....訓醒又返工...今晚埋數都ok既...哈...英姐過黎教我埋月結...都唔係好難ja...如果我日日都做到咁好就好啦....唉...我真係要勁專心先可以埋得好條數...仆街啦...

跟住放工...亞東叫我同埋佢行返安定...跟住傾左陣...唉...算啦..我會忍...我都明白既...我大個女架啦...出黎做野係咁架啦...唔可以再咁蠢架啦....乖d啦...新既一年..要做得好d呀....知道ma..

跟住就去左新虛...又係同白痴主人睇戲....又係睇唔到4眼雞雞囉...屌呀...過左對面...買左黎明個套新戲既飛...就去食野....本身諗住食少少野...可以食爆谷...因為好香...同埋勁耐冇食過啦...點知..又忍唔到口..食左炸魚旦....搞到我好飽...食唔落...所以都係冇食到....

嘩....套戲勁好睇呀....最估唔到係佢個結尾囉...好慘呀...差d喊...哈...好白痴呀....但係真係好好睇...唔得...我真係要搵日睇4眼雞雞...或者聽日或者後日...搵肥肥同亞欣睇都好...哈...