沒有愛情對白那套杜魯福 可以與誰觀看?
沒有愛情帶路坐上橫濱線 問我共誰流浪?
沒有愛情喝下那罐熱咖啡 可以替誰解渴?
懷內每句話 誰肯聽聽我講?
踏破鐵鞋你在哪裡為我等 給我半滴戀愛
踏破鐵鞋你在哪裡未知道 就似未曾存在
踏破鐵鞋我在這裡為你等 仿似競技比賽
尋覓太過耐 連愛亦變傷害
除非我沒有動人成份 何必怕沒有交出初吻
看著時間過但唯有我 在尋遍每位路人
明知道未到動人時份 才等到頭上燈泡轉暗
寄望還會有位路人 清楚我亦蠻吸引
繼續迷信有情人多麼近 最後迎接有情人的一吻

習慣了獨個在四處亂碰釘 感覺愛情很遠
習慣了獨個在暗角祈禱也 未見我能如願
習慣了獨個為某個人暗戀 只有拼命打轉
尋覓到厭倦 誰兌現我心願
除非我沒有動人成份 何必怕沒有交出初吻
看著時間過但唯有我 在尋遍每位路人
明知道未到動人時份 才等到頭上燈泡轉暗
寄望還會有位路人 清楚我亦蠻吸引
繼續迷信有情人多麼近
除非褫奪去愛的資格
仍自信有日 誰會為我表白
除非我沒有動人成份  何必怕沒有交出初吻
看著時間過但唯有我  在尋遍每位路人
明知道未到動人時份  才等到頭上燈泡轉暗
寄望還會有位路人 清楚我亦蠻吸引
繼續迷信有情人多麼近 最後迎接有情人的一吻

唉...今日我本身放假架...但係今朝9點幾個陣...亞嬋打黎....話佢嘔..又發燒...叫我返去頂佢...我真係唔想...我真係好累呀...跟住我話我今晚約左人...都係真既..跟住佢叫明哥叫我返wo...妖...跟住明哥叫我返到5點...唉...咁好啦...冇計啦...佢又講到真係好唔舒服wo...

之後我即時起身整野啦...10點就返到去啦...從未試過咁快...遲到都冇咁快呀..跟住返到去...簡直想死...返到去...知道左亞嬋今日走左就唔返架啦...等我仲諗住話我今日幫佢頂...聽日同後日都比我放假...1號先返工...點知佢話..大佬話因為佢要請假走..所以叫佢聽日同後日都唔使返囉....唉...咪又係我頂...之前sandy個次係咁...今次又係咁....話走就走...咁我點呀...本身sandy走...已經唔夠人...以家大家姐都走埋...得返我一個...我真係撐唔住...最衰都係死人大佬...好心佢就收下把口啦...

跟住我已經好累..好眼訓...又因為亞欣同埋篇更表既事...我差d喊...我真係好想喊...但係我話比自己知我要撐住....因為我知冇人幫到我...唉...呢份工真係好大壓力...但係我明既...有前途既工..就係咁架啦...如果我今次做得好...學下點做大家姐...咁我出去..都可以搵d好d既工...就算冇...我都有個經驗..同埋我明白左..做大家姐...真係好辛苦...又要做到野比上面睇...下面唔聽話...發脾氣...又要哄...唉...跟住我5點一放工....就去拎錢...返公司..行到華都...有班以前係豪景見過既仔..係度玩...推條仔埋我度..跟住係度笑..妖..跟住又問我叫咩名...白痴...搞到我勁樣衰...仲要係7仔出面...唔知有冇人見到tim呀..

之後我就返屋企啦...萍萍要返工...哎吔亞大哥仲未返...我又約左人7點係新虛等...又有人上黎裝寬頻...唉...今日咩日子呀...咁多事發生架...

去到戲院..又遲左...睇唔到4眼雞雞...要睇情癲大聖...淨係頭尾好睇...中間悶到我差d訓著...唉...睇完...返到黎...諗住同哎吔大哥切蛋糕啦..佢又要出街wo...唉...

跟住又係自己係屋企...玩電腦..打返之前d日記..萍萍又打黎...話豪景條女唔做...問我返唔返去做.....唉...

我就黎死啦...我真係好想喊...我好想有人幫我諗下野....呢一刻..我好掛住榮呀...因為我知佢會幫我分析...會幫我諗下野...唉...

哈...又遲到..我都預左架啦....不過我都係遲3個字ja...果個亞欣...遲左成個鐘...我又唔識做佢地pt d野wo....搞到我想死..又比亞東話...哈...

眼訓到爆...尋晚出到去..同左白痴主人同埋佢個fd去左味千食野...食完..由油麻地行去tst....嘩..真係未試過...哈...不過都唔係太累既....去到之後..已經入唔到...唔好話入呀...想走都難....年年都係咁...哈....超勁...hk人真係勁..

跟住周圍行....最尾就行星光大道去尖東...去左源記飲野...坐左陣...已經差唔多2點...跟住就搭mtr落太子....主人係mk落車...妖...搭mtr個陣...有人嘔...勁核突....跟住又迫...又有個女人...自己冇扶野...差d趺個陣...拉埋我囉...嘩...痴線架....搞到我都差d趺呀....我咪話鬼佢囉....

去到太子搭小巴個度...勁多人...有一年既萬聖節..我都有去玩...都冇咁多人...痴線的...排到街尾...起碼要7,8架車先車得晒...跟住我同主人個fd...就決定搭泥鰍的....等左陣..已經有車啦..都好快...但係上左車...仲要開埋車...已經去左好遠...個司機先問我地邊度等...我就話友愛啦..佢話唔經wo..都算啦...你係吉島停一停都得掛...佢又話唔得wo...之後我咪又係度話鬼佢囉...都未算係屌...後面有個亞叔就開聲係咁屌...屌唔停...仲嬲過我咁...哈哈...我真係好想笑...差d忍唔住笑埋出黎...佢講d野又好笑wo...

跟住個亞叔鬧到個司機肯係安定放低我...一鬧完..個亞叔好快就訓著左...哈...跟住主人個fd本身係良景落車既...但係佢就係安定落埋...送到我樓下先走...thx呀...哈...一返黎..我就訓啦...但係今日都係遲到..哈..冇計...

最尾大佬都知我遲到...但係佢係度扮唔知....亞欣遲佢就知...佢仲要話鬼亞東比我聽到wo..佢叫亞東下次我遲到..都唔係篤我wo..哈...我聽到就係度笑...勁白痴...我知佢係特登講比我聽既...跟住我就同佢講...我遲到或者做錯野..你鬧我..我會認...但係我一定唔會自首囉.......哈....

哈..今日心情都幾好...都冇遲到....但係唔知做乜...好胃痛囉...成日都....跟住冇啦啦7仔果個...走左過黎...送左份聖誕禮物比我...唉...好樣衰呀...死人亞毛係咁笑我...eeee.......

跟住我拎垃圾出去...佢又衝埋黎..幫我wo...超爆樣衰呀...跟住晏就..都冇乜特別野...萍萍又黎左食野...買左紅豆冰比我飲..哈...飲完又冇事啦wo..勁想食野...就係咁食...哈...仲要係完住冇停過...幾勁呀...哈...又見到黃家輝wo...佢好大聲同我講聖誕快樂...但係我同亞欣都聽到係生日快樂囉...我就問佢點知我生日...屌..佢先話原來係聖誕快樂.....跟住又發癲...係度玩....講煲冬瓜囉....哈...笑死...我同亞毛同埋亞欣係咁亂咁講..都唔知自己講乜...笑死...

笑完一餐...又放工lu...之後行返黎個陣..打比隻豬主人啦...又唔通wo...我以為佢甩底wo...冇理啦...差唔多到樓下先打多次...跟住又通wo...約左佢一陣8點係mk等...哈...但係我以家仲未整野囉...因為我想聽歌呀...哈...以家差唔多去沖涼整野出去lu....

聽日再打啦....各位聖誕快樂呀...哈...

今日一返到去...心情勁好...天氣又好..哈...亞東放假...唔知做乜..連亞豪出d野都勁靚...哈...跟住一路都好開心架...晏就個陣胃痛...都忍到...因為心情實在太好啦...哈哈...我已經21歲啦...哈哈...老啦...不過個樣仲係咁....仲係成日比人以為我17歲...

之後夜晚...一埋數...唉...心情即時趺左落谷底....唉...灰到死左...又大壓力...好辛苦...即時覺得好累...跟住就亂晒d野啦....完全唔知自己做緊乜....唉....癲左...條數搞唔掂...大佬叫我打比亞嬋...唉...原來又係我錯...真係好唔鍾意埋數...好唔鍾意返夜...救命呀....

唉..我今日仲要知道左亞嬋又話唔做囉....咁我點算呀.....