事實上, 其實我宜家呢度仲係13號

不過算啦, 當佢係14號啦,

我由尋日(姐係13號)一路坐, 坐度宜家家拿大o既13號

自己一個座喺真係唔同d, 好好玩, 不過又好淆底

入境果陣, 嘩! 撞到個中學師, 好彩佢係教法文o既, 應該唔該唔識我掛

我老豆又話我帶劍擊d嘢去過關果陣應該要打開黎check, 都無o既

跟住係到去果等候區, 仲有差唔多兩個鐘, 咁呀? 唯有打下機啦~

睇黎睇去, 可以玩得最耐o既都係pes, 可以教到30分鐘一場波

不過我其實唔識玩pes...

30分鐘先入得果一粒

打完兩場, 佢就話可以上機啦禾, 咁緊係上左機先算啦

上左機坐好, 點知個空姐行埋黎話想我調話禾, 真係無嘢揾嘢黎搞

調左去後幾排, 一機姐, 望下隔離, 咦? 唔係香港人禾(雖然無乜出奇)

係黑人女人禾~

不過唔好再啦, 有嘢食, 我食左佢

喺飛機上面真係無乜嘢好做, 如果唔係有部電視o既話我應該無機會再喺度講嘢

睇左2, 3套戲, 跟住就訓啦, 起身又食嘢

食完嘢又訓, 訓醒, 又食

食完又訓, 訓完就落機lu~

本身呢我老豆就話有個職員會喺我落機果陣接我, 我心諗: 唔駛啦掛, 好易姐~

點知無職員接我.... 我即刻淆曬底

點知話咁快又過左關啦禾, 行李直情連check都唔駛

咁就出左黎啦, 我大伯已經喺機場度

去到佢地屋企, 終於過返d人o既生活, 呢一個月訓覺都應該唔駛流汗流到成張床濕曬lu~

我訓啦, 唔知你起左身呢? (雖然咁講, 但係我諗我都係未訓住嫁啦~)