今朝起身問阿ming借左枝洗面o既嘢同埋一支gel

我朝早無用到, 等佢地全家出曬去(除左婆婆) 我就同佢睇電視,

睇左一陣, 終於頂唔順走左去沖涼, 因為尋晚無沖到

沖完涼好舒服, 諗住試下佢支洗面嘢,

洗下洗下, 覺得有d唔對路, 睇下... ...

o shxt, 原來囉左支gel當係洗面= =

不過又幾舒服xd

跟住就出街, 又係同果兩個細佬,

又去飲茶, 又叫到成台都係嘢食, 但係又係唔食嫁禾, 等我清, 兩日都係咁;

飲茶飲到2點幾, 佢地游水, 我走左去剪頭髮,

今次真係比佢一鋪清袋, d頭髮好似唔見曬咁, 揾黎揾去都揾唔到, 宜家短左d頭髮又企返曬起身

剪完啦, 無乜嘢好做, 就去游泳池度同婆婆一齊坐,

個游泳池係公開o既, 你比錢就入得

如果你唔係黎游o既話都可以隋便坐喺玻璃窗出面睇, 真係好似睇動物園咁,

最搞笑係有條友著住件衫寫住"welcome to my zoo", 真係幾唔適合

個池分3部分, 最近"觀眾位" o既係淺池, 跟住係中, 最遠o既最深 (唔好問我點知佢深唔深呀,睇d人彈下彈就知啦)

我無帶眼鏡出去, 睇嘢都唔係幾清楚, 點知突然比我見到有條友着黑色比堅尼喺淺池度懶係嘢咁同d小朋友玩

我睇佢應該都係特登着黎比班"觀眾"睇,

但係我環視四周, 原來周圍都係得我同婆婆, 睇黎佢今日無乜"觀眾"啦~

我果陣食完嘢飯氣攻心, 正想訓低o既時候, 有個小朋友仔同佢阿媽行入黎, 應該係唐人黎

嘩! 好開心呀, 終於有唔識o既豆丁仔比我拍下佢個頭啦, 呢個星期都無拍過都係有d手痕

拍下先~ 好玩呀, 佢阿媽完全唔知到我喺度玩緊佢個女

坐左個幾鐘到啦, 個游泳池要關門, 我阿嬸出返黎, 又問我食唔食嘢,

大佬正話你叫到成枱嘢差唔多都係我清曬你又要我食嘢? 想食死我咩

我話唔食, 佢好似聽唔明咁, 問我想唔想食麥記,

我話唔想食, 佢又問我去唔去佢屋企食, 我話唔食

佢繼續問, 問我食唔食西瓜, 佢話返屋企切半個比我地.. 點呀, 我唔係喺非洲返黎1個月無食過嘢呀...

佢跟住又話去買包, 咩料呀? 尋日飲茶已經勁多餸囉返返黎, 今日又有, 佢話買包聽日做早餐..

其實我地就算宜家開始唔買嘢都夠食兩三日

佢唔只有洗錢病, 佢仲好鐘意食嘢, 好鐘意jerk人食嘢 (姐係我)

嘩頂, 聽日又要飲茶...

 話時話, 今日應該都唔洗食嘢, 聽朝都應該唔洗= =