今日開始習慣加拿大o既時間,
晏左起身, 點知原來一起身就去教會,
可以預備心情再訓過, 早知尋晚就唔鬼好咁早訓
我應該係一生人第一次返教會, 心情其實都幾緊張,
你知啦~ 呢種洗腦專用活動, 唔係幾啱我
去到d人都幾熱情, 又有嘢食, 入去個堂到聽個耶穌友講耶穌
我大伯教我無嘢做果陣hup陣都無人知禾~
我聽左幾十分鐘, 就黎訓著之際有個新人介紹環節
耶穌友就話啦: 我地今日有個新人, 佢叫tevin, 佢份人好勤奮, 簡直就係佳品, 邊個想揾佢笨, 即刻黎就唔好再等
跟住就完左, 可能我今日著得好易認, 所以人人都行埋黎想ark下 我.. 隻手~
講返個耶穌友講果d嘢, 真係呢~
佢話禾, 應該將主放喺你o既first place
可以用個FIRST字黎記: finances, interest, relationships, schedules, 同troubles
關於relationships, 佢話要放耶穌更前於你o既伴侶, 如果唔係你就係當你o既伴侶如同神禾,
如果係咁, 其實對你o既愛人都唔公平, 因為佢唔可以做到神做到o既嘢, 佢唔可以比到世界上所有o既嘢你
洗左腦啦= = 不過我諗我下次去應該唔會咁專心聽嫁啦
因為我發現有個彈電琴o既女人, 叫做李靜儀
其實都無咩特別, 不過想睇下佢咩料子, 最衰今次去無帶眼鏡= =
成個教堂最吸引人o既地方就係佢居然有個籃球場
咁算唔算係mixed land use? (唔....)
我黎到加拿大差唔多一個禮拜第一次見到有關運動o既嘢..
仲以為呢度d人全部陣係識坐喺度 (因為呢度真係好少見人旭, 出街都係坐私家車, 坐到屋企門口)
之後跟我大伯出街, 嘩佢真係屈機, 我諗都無咩人可以好似佢咁交遊廣闊, 佢真係去到邊度都有朋友
先去個商場, 買碟好平果度呢, 個老闆係佢朋友, 佢如果買到隻碟係普通話可以囉返去換廣東話
跟住就去附近o既market, 入面個麵包店佢又識, 佢差d整跌個包, 我提佢, 佢同我講跌左咪放返好佢囉個第二個, 因為個老闆娘佢識
佢仲話介紹老闆娘個女我識... 都係15歲, 不過應該呢世都唔會再見嫁啦
跟住去酒廠, 呢個正呀, 喺果度試酒, 又囉左佢個d酒瓶貼子
呢啲其實都濕濕碎, 睇下佢d schedule, 呢個月有4日要去飲, 跟住下個月又已經有兩三個, 再下個月都有
仲有佢真係個個星期都有飯局, 就今日又約左佢班"損友"下星期出街
(佢係咁叫佢班fd)
佢真係行出街就有jetso, 好正, 跟住佢實無死, 因為個個朋友仆住黎幫佢
咁多朋友唯一o既唔好處就係成日要做人情, 佢同我講次次都要做百幾蚊人情, 都幾傷
無計啦, 朋友, 有來有往姐~
|
