今日原本無咩嘢好緊張,

個course有個presentation, 做果10分鐘,

不過我地個tutor好似好緊張咁, 駛唔駛呀, 最多咪又係lor下咁姐

最後咪又係搞下gag, 講下笑咁就打發左啦

但係今日放左"學"之後就真係緊張啦, 因為我差唔多半年黎第一次正式再打返劍

照樣係wally黎接我, 佢今次帶我去另一個戲院睇, 睇salt

睇完去食嘢, 呢度周街都有得食扒, 好恐怖

跟住去打劍, 先發現原來已經遲大到, 不過其實都無話遲唔遲, 7點開始, 你鐘意黎就黎

不過遲左一個鐘姐~

打, 原來我係第一次帶宜家隻戒指打劍,

第一場同wally打, 頂, 原來我阿媽買左件右手電衣, 真係灰爆, 不過照打,

跟住打個高佬, 居然輸左... 無打咁耐唔記得左點打

跟住打個佢地全場最勁o既人, 好q正! 打到9比9

最後羸左! 一分

即刻無曬力

不過我仲要打多場先落得, 打個女仔,

佢又係15歲, 又係左手, 不過打左3年姐, 係我一半...

分數就連我一半都無, 我贏佢5比1

本來要打到10分, 不過真係頂唔順

果度又熱, 我最怕喺d咁熱o既地方打劍, 我會死機..

出去飲水諗住會好d, 但係d水無味, 完全無口感, 無降温作用..

跟住就無打啦

走果陣熱到衫都唔鬼着, 就咁喺條街度行

走果陣wally同我講喺呢一區我其實唔着褲出街都得, 因為隔離街就喺gay佬區

不過如果我真係唔着o既話我應該已經比人融左~

跟住wally要同佢班fd聚舊, 我又要佢車我返屋企, 咁就跟佢去bar到飲幾杯

本來我諗住入bar都唔鬼着衫嫁啦, 熱到無朋友

不過佢話驚雜, 所以比左件大到無譜o既衫我着 (我d衫都濕曬)

我好無聊咁問佢: 我着同無着有咩分別?

佢又好無聊咁話: 其實我都唔知

入到去 想飲嘉士柏, 不過無, 就飲喜力

有d苦.. 唔知點解居然覺苦, 跟住想話飲返紅酒, 先醒起唔可以兩溝,

再叫多知啤酒, 飲完就走

出左間bar, 由於真係熱到死 所以就即刻除左佢年衫

返到屋企已經12點幾, 第二日仲要去nagara fall