去cn tower, 佢曾經係全世界最高o既建築,

就正如佢入口所講: go to the top of the world!

上到佢其實都無乜特別, 不過係屈高, 同埋360度o既風景都睇到曬

影左好多相,

我叔叔本來驚上到去d嘢食會好貴, 佢又好肚餓唔想睇完落黎先食

但係我地其他人都好想上去食, 可能因為都唔駛我地比錢o既關係

點知上到去都唔係好貴, 同喺出面食差唔多, 所以食得好暢快

原來間餐廳分兩層, 下層唔會轉, d嘢食無咁多, 但係就平d

上層就調返轉

我地一路食, 一路睇風景, 跟住仲走左去再下一層度, 有個地方係玻璃做地下, 可以直望到塔下面o既嘢

真係咪話唔淆, 由其我有d怕高, 所以企上去係腳軟嫁, 影左幾張相就走啦

返到佢叔叔屋企已經8點幾, 今日佢同佢一家陪我坐subway去睇

返到去一路食杯麵, 一路講我地屋企o既 '歷史',

細個o既時候佢地住東頭村(係咪咁寫??), 超辛苦

講下講下, 講到我姑媽,

講起佢真係超奇怪, 我其實到我13歲先知原來我有個姑媽, 因為我阿爸從來都唔會提起佢

我陣係知佢一向都唔係幾見人, 我阿爸比左封利事我, 同我講: 如果見到姑媽就比佢, 不過你都應該唔會見到佢

咁都得...

難得講起, 就問下我叔叔,

我同佢講: 我到宜家都唔知佢係點o既樣

佢話呢d人唔見都罷,

我陣係知佢叫張x瓊

因為我叔叔只係形容佢為: 濕濟瓊, 佢話佢唔知點解我姑媽點解可以咁濕濟禾~

我姑媽份人勁小氣, 就算係細佬 (佢得細佬) 都要鬥

有次我叔叔去佢屋企探佢, 我叔叔買左舊燒肉上去,

叔叔同婆婆去到姑媽屋企, 聞到好香蛋韃味, 問佢係咪有, 佢話正話煮完嘢食黎, 所以先有味

我叔叔都不以為意, 點知佢坐耐左, 上周圍共下 (佢好鐘意用個共字), 比佢見到真係有蛋韃喺度, 佢即刻醒水, 扮唔知

不過佢又諗, 咁舊燒肉係咪可以囉走呢??

又有一次飲茶, 佢為左權氣水發曬脾氣,

果陣佢去左厠所, 但係上菜, 我伯娘同嬸嬸見無位就囉開左枝嘢飲 (枝嘢飲未開, 其實係有剩無人囉o既)

跟住姑媽返黎, 見枝嘢飲唔見左, 超激動, 怒啤在場o既所有人

但係走果陣佢唔記得左囉枝氣水, 已經行出左間酒樓, 但係都行返入去囉...

真係有少少吹漲

希望佢睇唔到呢篇嘢, 如果唔係我就真係in big trouble!