今日夜晚, 睇完戲, wally同我去佢朋友個仔o既生日會

其實都唔係咩生日會, 只係一堆人坐埋一齊食餐飯姐

我地先去會合joseph, 跟住就坐私家車去

間嘢叫mandarin, 食中式自助餐

去果陣wally一路喺度話佢個fd真係省皮, 去d咁cheap o既餐廳,

我喺度諗: 佢做到咁多分店難食極有限掛

點知真係好難食....

d飯係咸o既.... d肉係酸o既.... d小炒凍曬...

總括而言, 係真係好難食o既

好彩我地去之前已經食左少少嘢 (wally做左個十分明智o既決定)

雖然果間嘢都唔係幾啱我口味, 不過都好過mandarin好多

今日o既兩個主角, 兩個壽星仔, 係孖仔, 佢地仲有個大佬, 全部都細個我

不過都高過我...

可惜好明顯佢地係喺溫室長大, 真係大細佬咁樣,

佢地有個姐姐, 應該係表姐黎,

我呢d外人無啦啦參加佢地個生日party已經夠灰, 點知個表姐個樣仲灰過我

咁又係o既, 呢三丁友真係幾kai, kai到我都會話佢地kai

佢地個阿媽真係黎lou打, 我望到佢真係樣一拳打埋去,

無嫁啦, 講果d嘢同佢個人一樣

佢話: 我果堆仔好醒, 去到上海, 用左好少錢就買曬成家人o既手信

我唔知佢"好少錢"o既定義係咩, 但係就算係呀都唔駛咁曬命呀...

走果陣我同wally喺私家車度講起佢地3個, wally係佢地契爺, 都忍唔住話佢地真係太個細佬仔

今日係我喺加拿大最後一日見wally, 因為佢星期三就走啦

wally走左, 唔知仲有無得落bar hea