今朝起身, 呢度差唔多全家人都要返工, 得我同婆婆仲喺屋企
同佢傾左一陣計, 佢話不如去飲茶, 好呀!
佢話要等'阿冰'黎車我地,(呢度無人真係用腳行路, 人人都渣車)
咁我就上返房,(喺樓上)
好開心! 原來佢屋企有個結他, 就喺我張床隔離
雖然唔識玩, 不過就求其彈下啦
彈下彈下, 聽到有兩把細佬聲, 我初初仲以為有賊入屋... (點解個賊會叫o既= =)
又叫多幾次
佢開左我房門, 原來係兩個細佬仔, 係'阿冰' o既仔女
超正, 個女o既見我着住見粉紅色衫問我係咪gay, 定係女人
其實都唔係幾正..
跟住就出去啦, 今日居然唔記得帶戒指!
坐車, 經過 '銅鑼灣廣場' 心諗, 佢個名可以再hea d
食嘢禾, 我婆婆同'阿冰' (佢係我阿嬸) 傾計, 佢個仔9歲, 個女6歲
佢話: 隔離屋個鬼妹, 晚晚都黎玩, 我個仔問我你好似好想婜佢做新抱
仲話: 我個仔問我我鐘意church嗰個定隔離屋果個
= = 我連對象都未有, 呢個豆丁已經揀緊娶邊個好
佢又講啦: 我個女都有男朋友啦
六歲.. 應該都幾大下啦可, 係六個一年, 六個365日
只不過佢黎加拿大適婚年齡仲有1..2..3.. 16年倒姐~
跟住佢問我有無女朋友..
唔.... 無呀...
個細佬仔(叫阿sam) 話: 你應該有女朋友至係禾, 我幫你揀個呀
真係有d想打佢..
跟住去買嘢, 點知經過有個地方叫 market village, 中文係咩購物廣場, 真係可以hea成咁...
入到去, sam 仲係沉醉喺呢個話題入面, "我陣間同你揀個女朋友!"
喺個supermarket度行黎~行去~
佢地兩兄妹真係幾百厭, 周圍走, 仲叫我同佢地一齊玩, 真係有少少吹脹
走果陣, 仲係唔肯放過我, 同我講佢正話見到條女好正好啱我禾...
佢話條友個波好大囉!
(呢句真係要high 一 highlight, 仲要間住同放大佢先對得住自己)
頂!
(我喺呢度成日聽sam講頂, 我相信喺佢o既圈子入面聽到o既中文粗口都唔多,
所以我都無喺佢面前講咁多粗口, 佢仲細~ 唔... 佢仲細~)
我地果陣已經喺車入面, 佢阿媽就坐喺前面, 我真係有d驚佢會受驚過度炒車
跟住佢又問我想唔想睇 big breast, 想唔想kiss big breast, 又話每個人細個都有飲奶
點解可以咁嫁!!!! 佢咁細個已經諗埋d咁o既嘢, 大個仲係人黎o既?!
佢細妹又加入戰團, 佢話佢陣係見過佢阿媽波,
又講左句嘢, 我果陣望住個窗盡量避開佢地, 所以聽得唔係幾清楚
但係大概意思應該就係: 我阿哥上youtube search "girl" 之類
佢地可以再離譜少少
跟住返屋企, 又想彈結他, 點知lou斷左條線, 第三條線 (好似轉話題轉得有d快)
咁唯有又打機啦~
|
