尋晚好早上左床瞓覺, 突然之間好攰想早d休息, 機都唔多想打, 真係好奇怪, 莫非真係比人影響搞到自己咁樣?

尋日同人傾左幾耐計, 佢話"係咪因為你太耐冇比人理, 突然有人理你, 你有d反感?"

我唔識答~ 只係比左一個"唔知"既表情(縮下膊頭)

佢再問"近排你講野串左d, 係唔係有咩問題?"

我就答~ 唔係呀!我不嬲都係咁架啦!冇咩唔同丫~

返到屋企, 我回憶以上問題, 又問自己, 究竟我係咪唔識愛人? 小鳥依人既女人永遠多人愛? 蠢蠢地既女人先會有人愛?

我自細見到媽咪同爹地離婚, 但我冇對婚姻既恐懼, 反而令我知道女人一定要有自己既想法, 要有能力令自己生活, 唔好靠男人, 一定要堅強!

我喜歡自己既事自己解決, 到真係應付唔到, 先搵人幫手, 從來唔識嗲人, 唔識做家務, 絕對唔係一個溫柔既女仔!又好維護自己既女人!

我亦明白今日唔知聽日事, 所以我想每一日都可以做自己想做既事, 唔想我既日子, 唔開心多開心既回憶!