近排心情感覺自己有d亂, 我同momo都一樣, 唔知自己方向係邊, 可能之前既我地都一樣, 平平淡淡, 安安穩穩, 好安樂咁過我地自己既生活! 從來都冇咩沖擊, 驚喜! 可能因為係咁, 突如其來有一d沖擊, 新鮮感, 我起左動搖, 亦開始迷茫, 下下都好質疑自己之前既決定, 亦會問自己究竟自己生存為d咩? 自己想要d咩? 而家既自己滿唔滿足?

知足常樂, 小學已經識, 大個左亦成日會提自己~ 我一向都好簡單, 因為從來都冇咩要求, 對身邊每個人都係, 就算有, 都唔渴求, 係咪因為我唔識表達自己呢? 我知道自己冇資格要求人去愛我, 因為我都唔識去愛人.... 而家既我係唔願意去付出? 做左一個自私的人? 我好想知道, 以前既我同而家既我有冇分別?

22號同我老細慶祝生日飲左好多, 但個人都算清醒, 自己就去找尋自己想知道既野, 知道左答案之後, 個人輕鬆左, 尋根究底係我性格, 冇辦法, 我唔想自己繼續唔開心, 個心仲有野唔安樂, 所以之後又飲過, 因為個人輕鬆而飲, 玩得開心而飲, 就醉又嘔=.=好耐未試過飲到嘔......

momo知道你諗通左同我一樣, 我真係為你高興, 我同你一樣選擇被愛, 不過總有時候會喜歡去愛既, 去愛姊妹, momo, 毛毛, 肥肥, 聊聊囉^0^