KEEP ON BUSYING...
                                                    A BiT oFF-pUTtInG
       

 7/9~星期.三(DAY V)
PHY~
得知原來娉娉生日!!冇買present比佢添><
不過都係度講返1000000000000000 X15次生日快樂!!
仲有72日就到我生日喇!亦都係一大堆test ge時候!!

C.COMP~
作果個咩咩會議記錄!!作到死~
好采m.Lau有得比我地拎返去姐~
如果係黃婆婆就唔比嫁喇!!

8/9~星期四(DAY VI)
呢日係一個星期中最忙．最支力．最疲勞轟炸GE一日∼
首先HIST~
DICTATION~錯左２個．．．
之後．．．P.E~
教打hockey~唔識打．．．仲打得好lor添呀！！
不過俾stella講完諗下肥肥打hockey個樣之後，
我又覺得我自己冇咁lor喇,xDD~

放學之後~
3:45~4:45:補肥魚果個英文班∼
（本身係補到5:00，但係因為肥魚話佢要去“蚊”眉）
早知之前唔同angel舉手話想join啦！攪到我果日隻眼鬼咁痛！
補習期間，肥魚叫我答左４次以上問題．．．
我話又係我！！
佢話我唔望住佢，所以成日叫我！！（肥魚以一陣笑聲作配音）
好無奈＝＝我係因為眼痛，所以先唔望佢．．．

跟住係extremely cold ge情況下，我同angel落去cover做功課！！
d風係咁吹黎．．．但係為左做晒d maths返去溫中史．．．
做完之後，我半邊面冷到冇左感覺！！
THEN,肥魚落黎見到我同angel好乖咁做功課，就話：咁勤力ge~
(佢走左之後，我同angel講：我地唔係因為勤力．．．係因為一間仲要補習．．．）

5:20同angel出發出英皇補習!但由於飢寒交迫之下，同angel買左雞蛋仔先去．．．
5:50去到．．．late左5min~
7:05補完．．．拿拿臨返屋企食飯．沖涼同溫中史．．．
溫到11:30訓教．．．
好變態呀呢１日．．．係咁好似機械人咁做野．．．
上堂．補習．and then補習．係咁瘋狂溫中史．．．
唉．．．我發覺得每１日都差唔多咁過∼
6點幾起身返學．上堂．放學．做功課．彈琴．睇電視
（有時仲要補習同溫書．．．）
日日就限定左要做ge野．．．都唔知為乜？？
24小時好似唔夠用咁．．．30小時先夠．．．
好無聊的人生！！FED UP WITH MYSELF…

9/9~星期五（DAY I)

第１堂就係C.HIST~
TEST就派果陣勁驚．．．做左long question先．．．
份卷唔算難，唔算易．．．MC有一條鬼掩眼．．．
睇左A ge ans.係C ge ans.錯左．．．好唔抵呀！！
時序又唔知有冇錯到．．．
同第２班d卷都唔同ge…唔公平呀！！不過算啦！
上帝：我衷心地向你祈求，我今天中史測驗能夠取得我滿意的成績！！
因為我已經溫左成個星期幾嫁喇！！希望今次好過上次ge result啦！！

最尾果２堂聽talk~
唔洗上A.MA堂．．．成理爆開心．．．
個talk好悶．．．仲有，我發覺個講者好鬼串！
仲好似好唔据我地咁．．．
話咩校長係果度呀！！你睇下你地嘈佢即刻起身∼
我地間接咁串佢．．．佢又唔据！好似衰ge都俾佢話岩！
我而家先知女仔細個果陣一定要玩煮飯仔．．．唔比玩槍嫁！！
因為我記得我細個果陣，都有一打假ge手槍，仲成日好開心咁玩！

10/9~星期六∼

去學琴．．．今日有成村人係地鐵出口到賣旗！
我果陣講緊電話．．．佢地都照走埋黎：小姐，買支旗呀！
經過上次買旗ge lor野∼
（入錯位，張硬幣係咁入落紙幣果單野，詳情睇返前果幾篇）
今次因為講緊電話廢事搵個銀包同咪唔想再好似上次咁lor∼
加上成３個男仔湧埋黎叫我買．．．我都唔知俾邊個好！
冇理由１個人入１蚊咁變態掛∼
so就同佢地講：我冇帶散銀．．．
雖然係有d衰．．．但係都要做嫁喇！
學完琴之後同家姐同m記食野∼
之後自己１個去睇下fiona份生日禮物
見到大根．．．不過．．．１個就成半個人咁大，
１個半就手掌咁細．．．結果冇買到，下個星期四再去潮特睇∼
我唔排除會買個半個人咁高ge大根．．．