|
|
2006 年 8 月 20 日 星期日 |
|
 #topic##
呢個week本黎對我黎講係平平無奇,過得平平凡凡嫁!!!
但係…
講返星期日先~
我夜晚7:30~8:30去Diamond Hill, Hollywood shopping centre ge柏斯到采排~
bez我個piano miss都係柏斯到做…
采排完之後,我就梗係冇咁乖,即刻返home la~
去左行一陣…買左d黑白豬ge野…如下:
我係網上面睇到中學ge排名,我地學校係28呀!!!其實都可以話係25 ge~
有興趣睇下自己中學ge排名就睇下啦: http://www.pupil.com.hk/pls/school_display?p_type=1
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
星期4~
同fran屎& fiona去睇Death note~
超好睇呀>w<不過開頭有少少悶…
但係唔講又唔得wo~好矛盾, xDD~
將十八回ge漫畫書濃縮到2個hr到ge電影算係好好~!!
不過佢掉人胃口~11月先有下集…明知下集先係最精彩嫁麻~
我個fd話漫畫書ge ending係Ｌ死夜神月都死~2個死晒…
夜神月好似愈來愈賤咁~佢俾人用槍射到就死-口-"仲跪係到叫流克殺哂D人, 最後流克殺左夜神月
當一個人有絕對的力量的時候，卻往往在不知不覺中被改變。
原來果個海砂係重要ge角色黎嫁~!!
佢仲勁過夜神月,有埋眼, 可以見到樣就見到名…佢冇死到~!!
因為只要放棄筆記既擁有權就會冇哂所以關於筆記既記憶, 所以佢冇事~
不過電影就唔知點喇!!
聽講呢套”Death note”引發左好多野~
問題點
中國大陸遼寧省瀋陽市的文具店，曾販賣一本以「DEATH NOTE 死亡笔记」為名的一般筆記本，上頭寫著和本作品中死亡筆記相同的規則。這被普遍認定為違反著作權的盜版商品。但主要購買這本話題筆記本的為未成年漫畫讀者，為了消除壓力等的理由，學習漫畫中將「不中意的人的名字」寫入筆記本。這件事情引發了中國內部的社會問題，甚至還傳出將「圍剿死亡筆記」。
日本的「死亡筆記」讀者得知此事後，這件事情在網絡上開始被流傳，成為了話題。但結果這件事件所產生的問題並沒有被重視。原因是這本問題的筆記本，是近年日本國內所藐視的中國盜版商品。相較於事件的社會性和問題性，違反日本著作權的部份反而受到關注。另外，「死亡筆記」實際被當成商品販售的這件事，在日本流傳的消息不多，只有不具體的部分消息被注目。
但是，受到關注的未必是孩子對盜版商品的抵抗很少。而是這本以樂趣本位，和作品內設定相似的死亡筆記，成為可以操縱死亡的「威脅性的遊樂」。這對於孩子所帶來的危害，使得中國和其他的海外人士，並不管這本筆記是不是盜版，而將批判的對象轉為「死亡筆記」作品本身。
估唔到咁變態~!!不過真係好好睇呀>w<
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
星期5~
今日…本黎我係想乖乖地係home嫁…
點知…我醒起我之前果個跑步ge運動鞋唔岩著~
打俾呀媽叫佢放工同我一齊去買…
呢一日,就揭露左社會陰暗ge一面…可怕ge情景竟然會發生係我屋企!!!
一直以為呢d情況只會係電視新聞,連續劇先會有ge一面~
可怕ge家庭…我唔想擁有!!!一直以黎,總係認為老豆惡極都係有限~
什至從來都冇諗過,我老豆會變得咁可怕…
驚人ge場面竟然會為我ge童年畫上一道深深ge裂痕~
什至令我覺得我ge童年係今日畫上句號~!!
事ge起因可以話係我,都可以話係我家姐,老豆or呀媽…我都唔係好清楚~
聽我家姐講,我老豆3:15到返去home~佢拎住一大堆餸~
冇人幫佢開門,之後佢問我家姐,我同呀媽死左去邊~
我家姐竟然愚到話我去左買鞋,應該話我去左買書呀麻!
撒一個謊可以令人開心,何樂而不為wo???
我老豆聽到即時好嬲!打俾我呀媽!呀媽話佢好似想殺死人咁!
之後我拿拿臨買完鞋走人!
返去home,老豆鎖左個門…用2道鎖,一個係門鎖,一個係電腦鎖~
我地係咁禁鐘,佢都唔開…已經同佢講左我冇買shoes,淨係買書…
返去home都係3:45咋麻~等左一陣…真係好焗呀!!之後我地去左會所坐左一陣~
坐到5:30上返黎…以為佢訓左…早知等到6:30先上黎啦!!!佢6:30走人呀麻!
上到黎…開大戰~
我地本身就入到黎,佢聽到聲就醒左…
大戰一觸即發…
連無辜ge人士都牽涉在內~
首先,佢唔肯開門…仲想向我地吞口水…
估唔到…佢會咁樣…
之後,我屋企有70歲ge朋友住係到,唔係我ge朋友…ß佢就係無辜人士~
佢想出去…之出唔到…個門鎖左…之後…
我老豆叫佢唔好理我地…
then,佢話佢要出去…之後開門俾佢…
我地就想襯機入去…
點知…我呀媽入左…老豆推我出黎…唔俾我入…
我就失左控咁喊左出黎~
果個老伯…就話去拎返野…我老豆唔俾我地入…
之後,過左5min ge口舌之爭~
我呀媽開左門俾我地入…但係…我老豆就火上加火…
係咁鬧果個老伯…話佢多管閒事…仲係咁同佢爆粗~仲推埋佢…想打佢~
我就乘機跑入間房,之後佢就係咁敲打個門叫我開…
我就開左…之後佢拎住我出去著果對shoes入黎”等”我…
我果陣已經喊嫁啦…之後,喊得仲勁…
佢係咁話我…
其實我話比佢聽我尋日去左同學home到,順便研究下有一條我唔識ge maths題~
佢今朝打俾我問我問左同學未…我話問左…
之後,佢叫我等佢返黎解返俾佢聽…果陣佢打黎我仲訓緊,不已為意~
點知…佢話”你到底想點???仲想唔想讀書先???唔想你可以唔讀…”一大堆野…
又話我下晝唔整埋食ge俾佢…我本身係想留嫁…
點知d材料淨係夠我整6塊薄餅,2個人都唔夠食啦…冇留到…
佢問都唔問就係咁鬧同打,連解釋都唔聽…
又話”屋企最多衫,最多鞋係你…你仲買咩鞋呀!!”
”我就出去賺$,為左你地…你地就亂洗$$$...”
如果唔係我對鞋唔岩著都唔會買啦~!!
又唔聽我講…又再打…之後個老伯好唔据佢…
鬧佢”我7十幾歲喇!你想點呀……”
攪到我好內疚…之後,我老豆好嬲,打左佢一拳…
果陣嚇傻左…之後,我老豆打爛晒d碗碗碟碟…
仲拎住把菜刀出黎…向住我行過黎…
我以為我就死…果陣真係諗返起好多野…
不過你見我而家仲打得blog姐係冇事啦!
全靠一個地產經紀ge電話,佢地講到6:30,走埋人…
走人之前仲係咁”dog”我個頭同鬧我地話”我聽日返黎仲係咁你地就知死…”
黑暗ge社會~披露左可怕的一面!家庭唔再係開心ge地方…
唔再聽到有講有笑ge聲音…唔再擁有幸福~!!
我ge幸福係邊呀???唔再相信有幸福會存在係我身上…
一滴一滴ge淚水傾盆而下…傷心,後悔和內疚心加重~
有一種害了全家,自己也死裡逃生的感覺~
如絲沉重~!!「家」到底是什麼???不會再了解,也不想了解!!
真正的「家」在今日已離我而去…
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
發起網誌：More Than One 是《月亮七個半》的導演給每個演員的一條問題“如果要寫一封信《寫給自己的童年》，你會寫什麼？”你們的，會是怎樣？
本身就覺得好有興趣,咁多人寫,then呢排又有d唔開心ge事,so決定左寫,以下係我俾我童年ge一封信
~~~~~~~~~~*****~~~~~~~~~~~
薯蓉:
你還是被這個花名弄得你不知所措吧!我是8年後的你,怎麼了?嚇傻了吧,還是覺得你又被人愚弄了?不錯,我就是未來的你!不需要驚慌,也不需好奇!我不會告訴你將來的事,因為未來是由自己創造才有意義!現在的你,只需努力於現在,滿足於現在,快樂於現在便足夠了!你可以繼續你的好奇和幻想,也可以繼續你的天真無知!但是人會成長的,相信將來,你的思想也會逐漸地成熟和懂事!
現在的你應該還在唸ABC,還身處在洋溢着幸福的家庭,利用你可愛,天真無邪的容顏在勾引人對你關懷和注視吧!我必須告訴你,你要好好利用現在,和家人打好關係!說真的,我真的有點羨慕,什至有點妒忌你!為何你可以擁有美滿的家庭,而我卻…好好珍惜吧!美好的事不可能是永遠的!未來的你會多麼的懷念過去,媽媽的臂彎是如此的溫暖;爸爸逗你笑的畫面是多麼的窩心和刻骨銘心;姊姊燦爛的笑容和樂觀的態度是那麼令我佩服得五體投地;親友們的關懷,露齒而笑的情景…現在的我不會再擁有,只好細細回味!請好好享受現在這些剎那的快樂吧!光陰似射,時間無多了!
我只能告知你,將來你不會擁有家庭溫暖,「家庭」,對你而言只是一個討厭的名詞,或是一個給你住宿的地方罷了!好想叫你去改變我的過去,但是這對你而言好像有點深奧和不公平,算了!未來是自己來開闢,所以不打算告訴你太多!可能你連「未來」這詞也摸不着頭腦,算吧!你早晚會明白的!
放心好了!你不會是有一個壞人,也暫時不會跟「傑出」扯上關係,暫時應該是個欠缺家庭溫暖的平凡人!
跟家人說你想早點學鋼琴吧!否則遲些再學,會很痛苦,因為遲遲未到8級的水平,但是你將來也不會是一個鋼琴家,因為你的夢想到了14歲還是堅持不變---做一名傑出的內科醫生!所以不要花太多時間在練琴身上,但也不可不練,我不想將來的你打破世界紀錄,10年才升一級,這未免太丟臉了!總之努力於現在吧!
好好打好你的學業基礎,不然升上中學會很吃力的,尤其是英文和數學!打好英文的根基吧!相信我,這是你將來的中學是一門重要的學科和語言!數學也很重要,想要當醫生,一定要進理科,不要問理科是什麼,你升上中學便會明白的了!只能告訴你想當醫生就要有好的數學成績!但是其他科目也不容忽視!
努力瘦身吧!你將來會為減肥而煩惱,也要努力增高吧!特別是在你小五至中三的時期,否則你將來會為你的高度感到苦惱!
你還在暗戀着一位男同學吧!不過,相信你長大後便會覺得很無稽,因為英俊,專一的男孩多的是!不要擔心沒有男朋友,請專注學業吧,也可繼續你的暗戀和雙戀!
總之,珍惜現在擁有的一切人和事!8年後你好好回想,一切已經不能追究了!現在的我很想回到過去,看看你的成長,可惜這是遙不可及的事!加油!我會在你的未來等候你!祝福你!
未來的你
史提芬妮 2006年8月20日
 ~THE END~ 
我幾時打嫁？︰2006-08-20 08:54 PM [ 訪客留言(2) ] [ 編輯日誌 ] [ 分享至FACEBOOK ]
« | 75 | 76 | 77 | 78 | 79 | 80 | 81 | 82 | 83 | 84 | ... | 180 | »
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
