好慘呀, 好耐都冇試過失眠啦, 都唔知做咩會咁, 今日番工自己都覺得好辛苦, 都唔知自己想點囉! 唉......好辛苦.....同埋個肚又唔知做咩喎, 好唔舒服, 又唔可以去toliet 喎, 都唔知做咩!!好慘呀.....

突然覺得好悶, 好似成日都係得我一個人咁, 冇咩朋友, 因為我同的朋友都真係好耐冇搵啦!因為大家的時間都就唔到, 所以就冇啦!~ 唔知佢地衣家點呢? 哈哈

之前大家為左的禮物鬧得咁唔開心......哈哈, 唔知衣家.........好累啦! 都係訓lu...

I'm very tired, even the work and the eyes; my body, my heart all are very very very tired!!  I want have a long vacation but could not.  Oh~ too bad!

I have a nice day coz' family and me have a BBQ in our home after work. 

唔知點解人就係咁煩架啦, 日日都覺得番工好辛苦, 我都唔跳自己為咩架, 我覺得好辛苦呀, 可能我覺得自己做野的問題啦! 又或者係的同事唔ok 掛, 人家的同事就好好, 有講又有笑, 又好好, 好肯幫你, 務求做好的野為止, 但係我的同事呢? 就好似你點付出都冇用囉, 都係覺得大家一的都唔夾囉!~有野就你頂, 你撐, 勁慘囉!!~唉.....

好似呢排有展覽咁, 一個同事都冇幫手囉, 又唔請人, 搞到我仲整親條腰骨, 勁慘囉!~唉......因為可能公司冇男同事啦!好多野都要我地自己做, 咩都係自己搞.......可憐......我其實都唔知自己想點.......想轉工, 想休息, 想去旅行??

我就係好想去一個旅行, 令到自己開心下, 放自己假, 我都真係冇咩真係咁放過假啦! 因為我都係工接工, 所以都真係冇真正咁休息過, 太累啦!! when will i have a holiday?

尋日同左兩個朋友仔去左食素呀! 因為有一個朋友仔係食素架.....其實間唔中食下都幾好架.....哈哈!~ 其實我都幾羨慕人有一個幸福的樣.....或者由其是沐浴在愛情入邊的人啦! 因為個樣係最靚架, 哈哈, 我覺得!!~  又或者我好耐都冇拍拖啦, 唔知咩叫做愛情呢? 哈哈~ 不過聽到佢地話儲錢我都覺得係開心架.....係儲錢結婚喎, 哈哈!!~

好似我個朋友仔講, 當你搵到一個真係鍾意的人的時候一定要好好咁mark住佢啦! 唔好比佢走呀!~哈哈, 因為男少女多喎......哈哈~同埋由衣家儲錢都真係差唔多喎, 我就個個人都入不敷支點儲呀~~哈 

唔係因為我大洗呀, 係因為唔夠錢用呀~!人工唔多嘛.....辛苦呀! 好似個個人都為左佢地的將來著想, 我的將來又會係點呢? 我自己都唔知呀!~其實我要求都真係好簡單, 有一個對我好, 錫我,關心我, 又上進又勤力, 對家人又好的男仔都唔係好過份又唔係好高要求咋! 或者我唔想同一的好似小朋友的男仔一齊囉! 因為我唔想我照顧佢, 係佢照顧我囉!哈~ 唸就可以, 呢一個世界邊有咁prefect 呀!唸下, 發下夢就可以~

尋日的晚飯都真係幾開心o既......

話咁快2006年仲有一個月就到啦, 唉....真係歲月摧人咯...一個人越大就越難結識朋友, 越難信人, 越怕付出, 越經唔起考驗...因為好怕受到傷害.....

我好唔想係呢一間公司工作, 或者我覺得自己係度比人呃緊, 點解? 因為見工的時候咩福利都話有, 但最後呢? 咩都冇囉! 因為一個字((忙)) , 其實都真係幾可笑架, 我好忙冇時間同你go though 一次, 你話呀, 留係度有咩意思!! 對我係好冇保障架!~ 打工仔的心聲.....就算你做得幾好咁又有咩用呢? 人地都係覺得你做唔到野, 都係覺得你得閒冇野做, 我都真係冇野好講, 何必留係公司開ot 啦! 倒不如早的番屋企睇下電視, 休息下做自己想做的野唔係仲好咩? 哈哈, 人就係咁架啦! 可能每每都真係自己的一種感覺去令到自己的唸野唔同左啦!

好多日都冇寫過日記lu.....唉..呢排發生左好多野, 我都真係幾唔開心!係自己變左定係......人越大就越難信人越怕付出!唉..有時覺得出左黎做左有好多野都需要自己去面對去接受, 遇到的人唔係好o既, 因為好多人都係好艱險, 為左自己真係咩都做得出.....呢個世界真係咩人都有! 真係要小心人呀!

尋日去左睇joey, 都真係幾正囉, 佢仲勁瘦添呀.....唱歌又好好聽呀!真係好鬼死開心呀~~我覺得佢靚左好多囉...唔知係咪真係女大十八變呢?!衣家佢係一個身材索到暈的女人呀!~正呀.......我都好想點復呢一個body 呀!~哈哈

keep fit keep fit keep fit...........

呢排唔開心都係因為朋友, 因為大家為左錢呢一個問題都有好多爭執, 有時都真係覺得咁多年朋友點解要搞成咁喎, 我真係勁唔想囉!講真~生日禮物唔係一份心意咩? 點解下下都要牌子喎, 自己如果有能力自己買唔係仲好咩? 個個朋友仔每一個月都真係o岩o岩好架, 冇啦啦又要比咁多錢.....今個月買生日禮物都買左我7-800 啦~!唉....慘慘慘.....

我唔想成日都為左呢的生日禮物咁囉!冇錯我真係好嬲好唔開心, 因為我覺得對一的朋友好唔公平囉!或者你比我地搵得多錢,你地唔介意.....但係我邊有你地搵咁多喎...每一個月都真係o岩o岩好~唔想咁呀!~我覺得收禮物的人唔會介意係咩黎囉!~或者..........唉......我都真係唔識講啦!~