頭先睇左勝在有心人呀, 都真係幾感動呀, 狗仔係有人醒架, 佢地都真係可以幫到人打開心窗架, 因為有好多野真係唔係人人都可以講, 同埋你都知道唔係朋友永遠下下都有時間陪你, 就算陪你, 都可能會比左一的唔係好的意見比你呢!

今日, 我做野真係做到死左, 真係好辛苦呀, 好煩呀, 聽日又要比人鬧呀, 唉........勁冇奈, 我都真係唔知可以點囉!~想死~~~比料人又真係唔多喎, 叫人點做呀, 點睇喎, 勁慘......聽日又要再做啦!~~唉.....明天都真係唔好啦!!~太差啦!!~

感覺不好受..........好累啦!!

今日有一種好強的感覺就係好想搵一份更開心更好的工作, 點解? 因為我覺得好煩好複雜的人事關係......就算你點做, 人地唔鍾意你就係唔鍾意你, 你做咩都係冇用, 就好似尋日晚上同我同事傾msn的時候, 佢話覺得我好蠢, 有好多野都真係唔識say no, 下下都不停咁幫人做, 有好多野都真係好蝕, 或者係我唔明掛, 我都唔知可以點, 估唔到有好多時幫人等於係自己的問題~

其實我自己都真係一早有左決定只係遲遲都唔去實行咋, 因為想等double pay + bonus, 所以一直都......不過過埋2月我就會走架啦! 我會放棄衣家呢一份工作會令到自己搵過一份更好的工作, 過得更開心! 比自己一個更好的機會, 因為我要多謝一個人, 就係我尋日冇啦啦見到佢係msn, 就問左佢一的野的人, 哈哈, 佢同我講, 你仲後生, 你可以有轉工的機會, 唔開心都真係唔好難為自己啦! 唔開心就轉左佢啦~ 比自己一個機會嘛......

我要更加努力, 以前的我成日都好想做一個女強人, 但係衣家的我唔係想做一個好強的女強人, 想自己真係可以獨立, 可以做到自己想做的野, 唔好比自己咁大壓力, 開心咁過每一日就已經好夠啦~ 2006 年係應該有一個新的開始, 唔好再咁唔開心咁過!~ 明天會更好嘛...........

呢排發生的事都真係好多呀, 我都有好多野唸緊, 其實都真係唔知可以點, 想點, 我有咩野係可以令到自己開心的呀, 我有好多野都真係想唔通呀, 想呢得通呀? 或者我係時候需要轉工掛.......

我係咪一個真係人地講咩就信咩的人呢? 我係, 我真係, 因為我覺得冇咩必要呃你, 但事實都真係唔係自己所唸架, 有好多野因為將你的野當人情咁送比人, 係你背後話你, 只係你自己唔知道嘛咋, 或者咁都係我一個正在唸緊的問題, 我都知道好多公司都有呢的情形發生都真係唔係今時今日的事, 但我仲真係呢唔通, 因為我都知道係我自已單純咋! 要好好咁睇清楚人地的野, 我自問真係一的都唔叻, 因為我係比較蠢o既, 我自己係真係知道! 出黎做野真係唔係咁簡單, 你要企得好, 都真係唔易架~~ 何況...........    我覺得公司好煩好複雜, 有好多野都真係唸唔明, 今日同我個同事玩msn, 佢問左我好多野, 講左好多野比我知, 但係我都知道佢講的野, 我自已都真係知道亦都真係feel到, 但冇唸過佢會話比我知咋!~我唔係的咩, 我亦都會覺得佢會講出黎, 但我唔介意, 因為我都真係預左佢會咁做, 因為佢都係一個8妹仔~ 我唸下個星期就真係每一個人入房傾performance 的時候啦,. 因為都要比double pay + bonus 你架嘛, 雖然都真係唔多架~~~都好過冇啦~~可以keep 到還卡數同埋讀書錢囉!~

有時我自己係度唸我係咪真係咁蠢呢? 或者有好多野係我自己唔識得同人分享唔知可以點.......因為講左出黎係冇人可以幫到我, 好似以前讀書咁, 係好開心架, 日日都係街玩, 同的fds 傾計, 飲野又一日, 日日都係仙跡岩, 有講不完的話題, 嘈嘈閉.......好開心架! 因為大家都真係未出黎做野, 但到出左黎就好似大家都真係好忙, 真係唔想出黎咁......有好多時都真係係咁..........或者佢地個個都真係有自己的同事, 自己的男朋友仔!都真係冇咁多時間呀! 而我就同男朋友分左手之後, 呢兩年都係自己一個人........... 有時都真係幾悶幾慘, 我又唔係咁主動搵人的人黎架, 好多野都真係收收埋埋............哈哈, 都真係唔知點解呢?

工作, 我真係想搵過一份工作, 至於係咩工作, 只係人工好, 福利好都真係好架啦~最緊要唔好有咁多是非啦, 真係煩到嘔呀!~真係夠啦! 我唔想咁呀...........我係咪真係過左年之後就比信佢呀,我仲唸緊, 我好唔好咁..........真係好似冇一間公司肯等一個月囉, 都真係耐架嘛........一個月都真係可以發生好多野啦..............所以我............

今日請左一日病假, 因為都真係好辛苦呀, 手軟腳軟呀, 好辛苦呀! 就快病死我啦! 一陣去睇醫生呀, 比自己休息下都真係一件好事, 咁辛苦都唔知為咩, 我一直都覺得自己冇錯架, 因為錯不在我, 我覺得搵工唔係一件難事, 雖然我知道去到邊度都係咁, 但係人事都冇呢度咁煩咁難頂呀! 我真係好辛苦呀, 頂得好辛苦呀,~唉.......慘.........我都真係要休息一下! 好多謝你地呀, 我知道我自己想要的咩架, 因為我唔想自己再係咁落去, 其實有一個人係我第一日做文員的時候同我講, 你唔可以下下都咁善良, 呢一個社會好險惡, 你自己要唸下呀, 唔好比人蝦呀, 到我衣家都轉左好多份文職的時候我終於都明白到好多野啦! 因為我有時覺得忍下會比較好, 但奈何真係唔係囉!~係你忍得多的時候你就越辛苦啦! 或者我個人都真係幾唔鍾意比人屈呀, 明明唔係我的時候, 我唔可以咁呀! 唉...........好辛苦呀!

我真係想轉下環境, 咁樣對自己都真係好的呀, 哈哈! 或者都真係唔o岩我囉呢一份工, 我唔鍾意的死八婆呀, 好過份呀! 唉..........我幾時先可以過得開心呀? 好辛苦呀~~我真係唔可以等係咁啦...........i will die

我又病啦, 一好番又病啦, 真係唔得你死! 我衣家又真係死啦~~好辛苦呀, 第一係自己病左啦, 第二係係公司真係好唔開心, 好似今日咁就終於都忍唔住就同個同事鬧交啦, 因為明明係佢錯, 佢就咩都懶哂係我身上, 又send email 比個客都係話我的問題, 我都真係好嬲囉, 搞到我個底花哂啦衣家, 咩都唔哂做啦!比老闆見到佢一定唔會問我點解囉, 激死我啦! 我好辛苦呀, 我真係好辛苦呀!

今日番到黎同爸爸講話我咁樣, 我同佢講過左年就唔做架啦~佢都話你自己鍾意啦, 我都講唔到咁多野, 因為你都決定左, 屋企又唔係等住你養, 咁辛苦就真係唔好忍啦~唔做就唔好做啦! 唔好再令到自己咁唔開心囉!!~我真係好開心爸爸會咁講, 因為我真係好辛苦呀, 每一日都真係做到pk 咁, 但有野就係好揹, 根本都冇理過我的感受, 激到我成呀! 好嬲呀!!~唉..........唔想再係咁, 我比自己放下假都真係好架, 比自己時間唸清楚........