小懶貓之前去左Neutrogena x Ricoh嘅船P 活動，試盡防曬產品之餘，

仲有得玩下呢部最新嘅Ricoh PX防水相機！！

 

部相機真喺好似張Catalog咁，細細部，帶出街應該真喺幾方便架！

 

活動嗰日，仲有專人將Ricoh 嘅字噴喺隻手到，都幾得意架！

仲有一個好精美嘅環保袋同埋毛巾送，個袋啲質地靚到可以拎出街用架！

 

即場同試下用，開埋柔焦同Ling Ling合照，個效果都唔錯！

影得我哋兩個又白又滑呢！

不過，個日掛住玩，影得唔係好多相！

好彩我bf識得人，可以借到部返黎畀我再試下！

原來裡面有好多又實用嘅影相mode架！

除左最基本嘅P mode之外，仲有肖像、夜景、手持夜景、晚會、烹飪、糖果、

放大鏡、風景、海灘、雪景、運動、焰火、拍賣物品、扭斜校正、寵物、微型化、

玩具相機、高對比黑白、柔焦、正片負沖、黑白及懷舊。

只要識得好好利用呢啲拍攝模式，咁影出嚟嘅相就可以好多元化啦。

其實呢部相機真係好細部，睇下喺小懶貓雙手上面就知啦

機頂係開關、快門同埋變焦桿，設計佈局及位置都幾就手，係個變焦桿硬左少少咁！

呢到就係部相機嘅精粹啦！SD卡嘅插槽呀！

而且你細心ｄ睇，仲會見到周圍有膠邊係到，

就係呢ｄ膠邊，阻住ｄ水等佢唔好入左部機到。唔好睇佢地唔起眼呀，

真係好好重要架。

機背後面ｄ製都唔錯，而且個閃燈可以用撥盤去控制，

比較要按掣再揀又真係方便左！都幾岩女仔用架！

講完機身嘅介紹，梗係要講多少少影相效果啦！跟住落嚟，就到小懶貓相展時間！！

拍賣模式－可以將幾張相放埋一齊，方便直接放上拍賣網。

仲有唔同嘅款式可以揀架!

跟住到小懶貓嘅忌廉仔仔出場！係寵物模式下，仔仔都幾靚仔架！

但係室內影個效果就好多粒粒！ 

跟住就係校正模式啦，影到變晒形，轉頭就拉返正，影文件同卡片就最岩用啦。 

 

甜品模式－可以揀用方形或者圓形框住甜品，個效果都幾突出！

小懶貓就比較喜歡用方形啦！

玩具相機－用玩具相機模式影出黎嘅效果，都有少少lomo味喎！

喺食物模式下，麥當當個包望落去都不錯吃呢！

 

咁多模式之中，小懶貓就最喜歡呢個微形化啦。

bf話呢啲叫模形相，係模擬單返用移軸鏡影架（小懶貓都唔知係乜東東？？）。

只要係高處影落去，啲嘢就會變到好似模形咁，真係好得意。

 

玩左成日！RICOH PX都算係一部幾好用嘅相機嚟嘅！

今次報告完畢，希望小懶貓第一次寫呢啲數碼產品唔會太失禮啦！！