今日個進度都ok,溫chem時真係知道點樣溫,我要好似呀jay咁讀chem,雖然慢好多,但真係會清楚好多的^^真係唔怪得你chem有A><溫到6點到想番屋企,之後路過學校,諗起要番學校簽名,去左校務署,真係冇咩面番學校,好想好好咁睇清楚間學校,係入面仲見到校長,校長問我:宜家讀咩呀?我話:我今年自修呀><佢話:考咩科呀?我話:除左中化其他都考,校長,我放榜果日可唔可以番黎影相^^佢話:好!記得同我影^^

      聽到之後好warm,好似我仲係LKT一分子,好似我仲有價值的!如果我下年有A話一定要學校搞個TALK叫~自修生的成功例子^^~都係溫書先

     呢二日都係去早上圖書館,下午去水邊,晚上都係水邊,深深咁明白到點解o的人話自修難,好難升grade。自修對自己的自信同埋自制力係一個極大的考驗,好像每天一早起床為例,你看見個鐘還是8,9點的時候,根本無有動力去起床溫習,你可以有無數咁多個excuse都可以叫自己今日可以休息一日,可能話:溫左咁多日,休息番一日都唔係過分呀?這樣的excuse可以有無數過,但只要一想到下年唔想再無校園生活,生活在這樣的日子,可以對hall,再過新生活的話,任何excuse都要死開一邊!

      起床只係第一個step,之後溫書的時候又可以會有o的野阻到你,搞到你好唔專心,所以自制能力真係好重要,你要堅持今日一定要follow到個timetable,所以今日好辛苦都係係咁做,係咁做,為左一個少少對自己的承諾,為了對自己作出一個交代,每一個人溫書難免會遇到困難,受到打擊,受到挫折。有些人覺得我好可憐,可以有讀書都考到咁差。事實上我現在好享受這個生活,考得咁差的確係對我的一個挫折,好似將我以前的一切努力都付諸流水,但我可以重新站起來,再接再勵!我相信大家如果係我的話,可以會放棄,可能去讀其他課程,但我將它當作一個人生的考驗,只是我比其他人跌得,我唔相信人生是一帆風順,總會有起有跌。只要我可以在這次學到野的話,我覺得這一年係值得的。用一年來換除一個美好前程的話,真是太值啦!

     大家唔可以放棄自己現在求的東西嫁!俾心機   

    今天都算做到自己的目標,但總是覺得自己溫得唔夠多><好像不夠勤力,唔係的話,我驚升唔到grade><所以宜家開始開爆turbo^^早上4個鐘,下午五個鐘,加多晚上4個鐘,我覺得差唔多><時間真係好像唔夠用,真係好彩冇番學校repeate。唔係的話,我今年一定A唔到,ONLY TAS都用我好多時間啦!又要上堂,又驚O的自己識的野,就開學等到放學,咁不如真的溫下書啦!

     宜家開始慢慢地進入狀態,其實FEEL到真係幾易,只要你覺得身邊的人存在會阻住你溫書的時候,大概己經到了這個境界,下年唔會令大家失望的^^3A