今日係屋企溫SHM同埋幫老豆搞TAX單,之後下午番左學校問森哥野,今日佢又教左我好多野,之後又改左我上次份quiz卷俾我,佢改得有了了crazy黎,佢話blue同violet個freq差好遠話我錯....算啦!之後見到陳文達同mr kwok,真係好開心,佢地係咁叫我俾心機,好想立即衝去溫書^^

     之後去左水邊,溫到五點幾番左去nap,今晚約左天然哥食飯

      今早去左圖書館溫書,原本溫得ok的,溫溫下有條食完煙的人棍坐左我對面,勁大煙味,勁佢個lung!!!之後走的時侯先見到jay,同左佢一齊走,我之後去左千色睇下pastpaper出左未,仲未出><

      之後番左屋企,發覺屋企又係冇野食,之後打算食了一餐的,又溫下phy咁,因為星期4 SHM quiz,之後溫到4點,冇咩野做打開左tv,冇野睇只好睇亞視個兒童台,之前又話一定搵細佬仔做,但又搵左二個二十到盡的男人同女人做,真係見到佢地好想打佢地,真係勁白痴。一開始有個人係教英文的,佢問個女仔主持,如果我想同英文講我坐係你隔壁,應該點講呀?個主持話:I sit near you,我立即坐死左,頂你!你幾大呀!之後有個細路仔,我諗佢係6,7歲到,佢話:I sit besides you。搞到個主持冇哂面,之後我勁笑。'

      之後又有個game係玩大電視的!我勁想打個男主持,佢係咁話:你咁都估唔到?艾呀!....,真係好想打佢!

     之後去左探表姐......宜家去了!今晚要溫夜d

      今日一早去左溫書館溫書,原來係坐開o個個坐位的,之後坐我後面條傻佬係咁唱歌,之後又係打木台呀咁!之後去坐前左,真係爽好多!michelle借左之前補ms d note俾我,唔該你!之後溫chem都ok,溫到halogen compound,宜家終於cclee同kkwong的進度一樣了!真開心!

      之後老豆打黎話表姊入左醫院,仲話係深切治療部,搞到我勁驚,之後打俾呀哥叫佢唔好上堂,之後約左佢一點係上水火車站等,之後仆番屋企,上網check北區醫院點去,之後坐276去左上水,見呀哥仲未到,去左買生果,發覺自己帶唔夠錢,只用去左wellcome買左少少生果,但都揀左好耐,因為唔多識揀,所以只好揀最新鮮的,冇計呀.....

      之後等埋呀哥就坐的士去醫院,之後上左深切治療部,見到個門口真係好驚,之後見到其他親戚,佢地個個都眼濕濕,之後冇幾耐可以入去,見到表姐,我成人都震左,真係第一次咁驚,第一次見到親人訓係醫院,又喊唔出,又唔知講咩好,唉.......真係笑唔出的.....我又唔可以為人帶黎歡樂了....我真冇用

     之後大伙人係門外唔知等咩,之後表哥去左番學,佢叫我地唔好坐係門口,之後我地去左飲茶,舅父摸我個頭,同我講:啟鋒,你大個仔了。識得關心其他人。 好有果種俾人認同的感覺,係茶樓,大家好似回復心情,呀姨佢地又係咁講笑,好開心呀!呀姨話好耐冇見我地,約左我地星期日去飲茶^^之後坐到三點幾我同哥哥走先,因為佢仲有個tutor要上,我又要去補習。好累呀....

     之後去左補chem,今日都冇咩野學到,但發覺organic真係易左好多,我要加油了。因為我見到d nursing搞到我唔多敢做nurse,溫書先