返工見返好奈冇見ge火星人kit，
放工又同左佢哋一齊去韓燒，
成班人又嘈喧巴閉，
再加埋有火星人呢個傻婆，
就真係好搞笑.....

希望老媽子快d返黎，
屋企真係好靜.....

過左cwb搵Blue同肥仔，
一齊去中環幫肥仔睇佢謝師宴d 3!!!
最終只係買到條褲同件恤衫，
但就簡唔到啱ge tie同jacket!!!

之後陪肥仔去左大家樂食嘢!!
"紐西蘭爵士牛排"
睇到廣告超想食......
但Blue又唔肯同我分擔下，
我又唔想自己一個食曬......
爵士牛排.....我唯有下次先食你la!!!
肥仔比我試左一啖--------wonderful
簡直正到唔知點樣形容!!
入口即溶，生熟ge程度掌握得啱啱好.......

之後去左北角Neway同kit佢哋唱k，
由頭到尾都相安無事，
大家都玩得非常開心，
點知最可怕ge事就係準備搭車走ge時候發生左......

就係鍾小姐佢發酒癲short 左.....
幾個閒人係條馬路度來來回回咁行左不下十次，
最終我係酒精ge影響下，
再加上鍾小姐ge行為.....
令到我開始煩躁，繼而奪車而去.....

結果...睡眠鐘數:2小時
         工作狀態:眼花撩亂，頭重腳輕

放左工之後打左比阿Ken叫左佢陪我跑步，
於是我返屋企換完衫之後就去左join佢，
2條友憨居居咁去到小西灣運動場，
本來以後免費開放，
點知原來比人book左入唔到去，
跟住去到藍灣兜兜下就比我哋發現左條跑步徑，
係呢個所謂嚴師ge指導下，
我都竟然可以堅持到半個鐘入面不停來回咁跑冇停過!!

出左成身汗個感覺真係超舒服，
跟住係步行左一陣"透"順左條氣先去食飯!!!
哈哈!!成功忍得住....."多菜少肉唔油膩"......超健康!!

我要同小肚腩講拜拜!!

成件事當中，
我真係好唔明白，
個傻佬傻je，
身為商場ge管理員，
唔幫手捉人不特止，
仲要係度好似睇戲咁.....
你份人工都幾易搵wo....

知道答案ge要留言話我知ar .... please!!!!

小熙子 -- 阿Ken就係唱k唱到一半ge時候問左我哋條咁ge問題，
                令我係後半段時間一直不停係咁諗答案
                而佢就好成功咁分散左我ge注意力，
                仲要係諗緊答案期間幾乎一首歌都冇唱過咁濟，..
                最過份就係佢臨走ge時候都唔肯講個答案比我知，
                勁衰ar!!!下次比我見到你ge時候你就死!!!!