∼ 雪　發呆地 ∼
當失憶症和錯亂症還未很嚴重前，記下事情的發生。
suetyee : 個人主頁 - 相簿 - 訂閱  [ QOOZA - 論壇 - 登入 ]
suetyee
暱稱： 怪雪
性別： 女
地區： 北區
«‹ September 2026 ›»
SMTWTFS
12345
6789101112
13141516171819
20212223242526
27282930
最新文章
•笑容回來了
•永別了... 世傑 >...
•井底之蛙？
•鹿鳴春鴨鴨夜
•你的離開也是愛...
訪客留言
最近三個月尚無任何留言
網站連結
•Rango
•Suki Chan (幫人化粧)
•月餅
•二鳥
•三姐
•阿大
•細細妹
日誌統計
文章總數： 688
留言總數： 1089
今日人氣： 48
累積人氣： 19311
站內搜尋
RSS 訂閱
RSS Feed
2005 年 10 月 30 日  星期日   晴天


想寫很多發生的事... 但還是不好了... 分類: 燕子飛呀飛

o_o! 各位好耐無見啦 ~ 返工後= =個人真係好累...可能未習慣吧，所以返到家都無乜玩電腦
大致上的首星期返工就完結了，學到好多野...亦都唔明好多野... oh my god!
>_< 開頭明明話比人地一個星期適應架嘛，點知而家無左... 只好努力地邊學邊做啦...
唔講咁多 ~ 我仲要追看返大家的日記，但有點眼訓添

今日發現原來= =我唔係好受得咖啡，飲完係想嘔...都唔係提神的...
腳板比一粒釘書機的釘界親少少...嗚 >"< 好痛，影響我行路...嗚
很喜歡休閒的感覺，發下呆，感覺自在，不錯不錯！
發表時間：2005-10-30 08:26 PM  [ 訪客留言(5) ] [ 編輯日誌 ] [ 分享至FACEBOOK ]


2005 年 10 月 25 日  星期二   晴天


新工作新環境 分類: 燕子飛呀飛

新的環境工作已經 2 天了，給我很不同的感覺
第一天 lunch 公司為歡迎有新同事入便請全部人去茶樓食@.@ 先謝喔^^
公司其實唔算好多人，不過佢地好齊心架~ 都幾得意
佢地一個人要做好多野，超勁
但論結構等等相比...有少少掛住以前...(呸!! 要向前望，唔比掛!!)
雖然唔想望，但真係掛住以前 d 人... 好想好似以前咁 (真係想下好啦!)

返工個人真係有少少累，今日對左電腦全日係咁打字... 竟然恰眼訓...
不過= =已經開左...2 日 OT 了 ~ 明天要努力準時走!
其實呢2日都有幾多野，不過唔寫啦... 盡量 keep 返住日日寫啦..ha
發表時間：2005-10-25 11:40 PM  [ 訪客留言(3) ] [ 編輯日誌 ] [ 分享至FACEBOOK ]


2005 年 10 月 22 日  星期六   晴天


新僱主 驚訝 分類: 燕子飛呀飛

哈，原來我未講我將會做咩工... 咁我就係到講下啦~
官燕棧請左我，貪我唔會偷食燕窩... 返五日半，旺角區

份工係 Gerenal Clerk，大致上工作係入返 d 會員的資料
資料唔齊，就要打返電話去問，佢話我做過CS無問題
有機會有投訴電話打入來，又飛唔切去客服個邊，就要幫手聽住先  <-- 佢又話我做過CS無問題
咁 接待員 去食飯的時候，有機會會叫我坐出去  <-- 又話我做過CS應該無問題
Marketing 出 newsletter，有機會幫手打字 排版 or 校對等等  <-- 話我識用 Word 又打字快 ok
Admin 唔夠人時，有機會幫手做下Account d 野  <-- 你有LCC 高級, 無問題

以上的...只係佢 in 時大致上講的，總括來說，邊個 dept 唔夠人就要去幫手
其實有少少似打雜 >v< 不過我鍾意 haha, 我要實踐十項全能的文員仔的夢想, gogogo!!
不過= =到底呢份工做唔做得長呢~"~ 唔知佢會唔會炒我... 同 d 同事夾唔夾呢? 嗚
發表時間：2005-10-22 02:25 PM  [ 訪客留言(4) ] [ 編輯日誌 ] [ 分享至FACEBOOK ]


2005 年 10 月 21 日  星期五   晴天


輕輕的我走了，正如我悄悄的來 分類: 爛玩組乘七

最後工作的一天，好多煩人的電話，比人地休休閒閒咁走都唔得
玩到癲晒，原來大家都有搞笑天份，做 d 超爆笑的動作 >__< 我要忍笑聽電話
大家仲話我走左之後冇左歡樂因為少左個人比佢地笑 = =!! 吼 ~ 可惡!

Send 齊 e-mail 比同事就收工囉，不過發覺 send 少左封鬧人的 mail...後悔~
其實真係會唔捨得呢到，不過我唔會忘記你地，保重呀 ~
同事們呢2日都有請我食飯 >v< 多謝你們!! 一日食好多餐, ha
發表時間：2005-10-22 01:36 PM  [ 訪客留言(1) ] [ 編輯日誌 ] [ 分享至FACEBOOK ]


2005 年 10 月 18 日  星期二   晴天


漸漸地公告天下 分類: 靜靜的生活

今日陪 60蚊(劉淑敏) 去拿返 d 網上訂的野，見識了土瓜灣的路
2個人不停咁拿住本地圖睇睇睇，終於比我地找到~
去到間公司名叫XX物流公司，即刻心諗好在之前工業區有物流工我無去見
眼見原來物流公司跟我想像中是兩回事，真的呆了o_o! 當今日是見識吧

本來想靜悄悄的離開呢間公司，怕最後會被同事們打喔
而且都要跟上一級說，為了我那工作證明= =! 所以還是逃不掉要說出來
不過今天的自己總算接受到要離開的這個事實... 還是開心點面對吧
我會掛住您們的! >__< 返工的日數再次在倒數... 嗚

嘗試把日記中的字粗體了，看會不會睇 d 字容易點!? 哈哈，希望大家也喜歡啦
發表時間：2005-10-19 03:23 AM  [ 訪客留言(2) ] [ 編輯日誌 ] [ 分享至FACEBOOK ]


2005 年 10 月 17 日  星期一   晴天


見工之大事回顧 ! 分類: 靜靜的生活

見工真是一個有趣的活動，難怪大家都話見多 d 工，吸收下經驗
Send 了 9 份 resume 出去，回覆有 5 份，真的去 in 有 2 份
意想不到係第一次 in 便請我 (個時仲要咩都無準備，哈) 感謝!!
希望呢份工會做得長啦 ~ 我都只係想穩穩定定 ~ ^^!
嘻，唔知呢份工係咪真係可以做到十項全能的文員仔呢？

收到佢請我的消息是開心的，但...咁代表我要離開而家間公司
真的有點唔捨得... 有少少矛盾... 而今日我都未通知同事們說我要走了...
公司雖然唔太好，但同事真的好好... 有好多好多的唔捨得.

好!!堅強! 堅強! 我會強忍不捨的感覺離開的
我會好好的珍惜這餘下幾天的返工日子 >"< 嗚
發表時間：2005-10-18 11:29 PM  [ 訪客留言(7) ] [ 編輯日誌 ] [ 分享至FACEBOOK ]


2005 年 10 月 16 日  星期日   晴天


家庭日 分類: 靜靜的生活

剛返完通宵回家，便收到媽咪的order ~ 急要打單
幾眼訓都即刻扮精神，誰不知= =我一面打...一面恰眼訓...zZ
仲一邊九唔搭八地在MSN...u_u 哈..我一眼訓就會咁的了~
經過一輪博鬥總算完成了，誰不知@@阿爸竟然話去飲茶
難得老人家高興，那我也捨命陪君子，飲咪飲 ~
回報我找工的情況，我相信我咁努力找工應該也滿意吧!?

食飽飽返到家訓唔著... 最後差唔多4點先去訓，訓左3個鐘就要起身啦
因為要食晚飯，今晚難得齊人在家，食粉絲蟹煲 ~ yeah!!
最後搞埋 d 手尾零晨2點就去左訓嚕，總算是早訓的一天

雖然今日訓得好少唔多夠精神，但開始珍惜跟家人一齊的時間
只要時間上ok，我唔介意訓少幾粒鐘，因為呢 d 機會真係好少有
正在學習珍惜中，大家也要對家人好點喔^^
發表時間：2005-10-18 03:13 AM  [ 訪客留言(3) ] [ 編輯日誌 ] [ 分享至FACEBOOK ]


2005 年 10 月 15 日  星期六   晴天


見工又放白鴿了... 分類: 爛玩組乘七

連珠砲的見工活動(係放d公司的飛機)，有點...  連星期六都要見工...
昨晚七點幾收到電話叫我去見工，個個人態度仲唔太好... 驚@@!
今次的地點是葵涌 again... 而且呢份工係2星期前send的 oh no...
最後都係唔去la... 點知間公司見我唔去，竟然打電話來!! 仲驚!
阿哥話份工應該唔好做 or 豬頭骨位

有時發下傻真係幾好，飲~ 大家一齊玩真係好開心，飲~
唔知飲左幾多...只係想飲   一醉解千愁!? 別傻 ~ 飲!
有機會再飲過, 哈! 第一次飲到wing wing地... x_+
個感覺幾得意~ ha 不過就會好累同埋想訓覺
發表時間：2005-10-15 09:53 PM  [ 訪客留言(5) ] [ 編輯日誌 ] [ 分享至FACEBOOK ]


2005 年 10 月 14 日  星期五   晴天


見工 + 預祝萬聖節來臨~ 分類: 爛玩組乘七

又偷懶唔去見工了... 今次的地點係~~~~~葵涌3號貨櫃碼頭  yeah ~
都諗左好耐去唔去，家人也笑我笨又找埋 d 山長水遠的文員仔- -!
唔計時間要坐3程車 oh no ~ 家人嚴敢我再找葵涌& 過海的工...
仲建議send Resume 前比佢地過目先 -_-! (我唔係真係咁信唔過吧...)
 但物流 d 工... 唔係應該要去到葵涌咁遠~ 做 d 船公司先岩的嗎!?

下午去見學校文員，感覺同之前的唔同，不過我估佢唔請我...學歷高過佢要求- -
佢話我打字太快，應該找其他工會有更好發展，用左好多理由暗示唔好做...
咁我都唔強求了~ 當留d 機會比其他人...

今日向公司請左假，咁見完工便去埋海洋公園 "哈囉喂"
大家扮鬼扮馬玩到癲晒 ~ 哈哈，佢地 d look 超癲~ 我都睇到呆 o_o
我是巫婆look, ok恐怖的喔 (嘻,不過唔係我的主意^^ thx大家!)
路人見到我(個look)都話正~ haha, 我真係咁襯個look?? 嘰  夠邪惡!!

d 鬼屋嚇到我傻... 驚個時亂咁拉人 d 衫，差 d 誤殺佢地... ha...
有間我真係驚到唔敢行，佢地仲要走晒...有個衝動想調返轉頭走! 好在有人救我...
= = 驚到喊... 好恐怖呀!! 玩完之後把聲沙埋 -0- 不過好好玩, 未試過 (不過玩一次都夠皮了...)
發表時間：2005-10-15 09:18 PM  [ 訪客留言(3) ] [ 編輯日誌 ] [ 分享至FACEBOOK ]


2005 年 10 月 13 日  星期四   晴天


見工後感想 分類: 靜靜的生活

第一次的interview，有點緊張呢! 擔心著會問什麼問題
誰不知到達時填完份form，便進行打字測試@.@ 咁快有測試？
心想只要打字便可？太天真了，還是要面談呢
由於佢話我欠缺相關的工作經驗，所以便建議我轉職位 (請我先再算吧)
本身話之後先安排second in，但點知佢話今日in 埋
一次可以in晒 2 次 ~ 幾好幾好 ~ 如果再收到佢地電話，就代表請我嚕~
最搞笑係佢埋咁話我打字點解可以打得咁快，開頭還以為串緊我- -!

咁去 in 一 in 就用左 2 hrs 啦... 搞到返工都遲到...
其實interview 都係一個學野的機會^^! 不過希望我鍾意的工會請我啦~
發表時間：2005-10-14 04:41 AM  [ 訪客留言(5) ] [ 編輯日誌 ] [ 分享至FACEBOOK ]


« | 60 | 61 | 62 | 63 | 64 | 65 | 66 | 67 | 68 | 69 | »