∼ 雪 發呆地 ∼
當失憶症和錯亂症還未很嚴重前,記下事情的發生。
suetyee
暱稱: 怪雪
性別: 女
地區: 北區
«‹ September 2026 ›»
SMTWTFS
12345
6789101112
13141516171819
20212223242526
27282930
最新文章
•笑容回來了
•永別了... 世傑 >...
•井底之蛙?
•鹿鳴春鴨鴨夜
•你的離開也是愛...
訪客留言
最近三個月尚無任何留言
網站連結
•Rango
•Suki Chan (幫人化��)
•月餅
•二鳥
•三姐
•阿大
•細細妹
日誌統計
文章總數: 688
留言總數: 1089
今日人氣: 52
累積人氣: 19532
站內搜尋
RSS 訂閱
RSS Feed
2005 年 8 月 20 日  星期六   雨天


總算有一天好了 分類: 繼續齊撞聾

零晨時份見同事們在打機,那我也去湊熱鬧
打了很多新奇野,可惜CK要返工...打唔到
仲係裡面識到人添 ~ ha,中途當然有好多笑料
跟他們在玩玩,一下子便到清晨...
大家也要去睡了,這才發現原來我們都是捱得夜唔使訓~呵

2:30 約了六聾,但無奈地我又要遲到了...因為遲左起身...自找的
見屋企有生命麵包,咪 "查" 埋去食,點知食完...肚痛...
比原定時間更遲先出到去了!!
先在又一城逛一逛 (佢地食野),之後便落返旺角個頭食晚飯
哇!! 間店全部是大口仔,店主肯定好超級fans,唔算太貴 & 好食!!
食完飯有時間,再去潮流特區行下買下野 ~ good!
行到11:15 啦

今天真是一天開心Day,好耐無出來咁傻一餐,大家也要努力!!
我地係唔可以被其他事打敗的,撞聾萬歲!
超 thanks 三姐 & 細細妹教我說普通話,哈 ^^!

p.s. 大家也開了日記,好野好野!!拍拍拍~~好高興呀

p.p.s. 之前放了背景音樂,忘記了寫返首歌「歐得洋 - 六色彩虹」正,好聽!! 突然迷上



2005 年 8 月 15 日  星期一   雨天


今天到底什麼事!! 呆滯 分類: 爛玩組乘七

零晨時,喵奇話想去睇早場,拉埋CK,通宵組合 Yeah
當初仲驚起唔到身...睇左 "V仔特工隊" 幾得意,幾好笑
之後仲去埋宜家,哇!!看到CK...型! 勁! >0<
唔知點形容佢好, ha,真係封佢為我偶像 yeah!!

本身諗住之前所有不快可以無晒啦,但點知...
在公司傾談中發現那個可疑的台灣客人......
還要說我地國語唔好, 又唔熟識活動
頂!! 激到我呀, 你無病呀, 咁樣來試, 仲要試足2個星期, 煩唔煩 d, 無唔無聊呀
測試我地其實無乜問題, 但我唔該你啦, 要求多多
dept溝通不足, 點鬼知 d 活動什麼跟什麼呀, 真係 x 街!!好炆呀!!
完全無晒心機做野, 本身都有諗住留係呢間公司, 而家咁...
去食屎啦, 正PK, 夠薑你就直接d, 叫晒我地3個入房鬧呀笨
自己都未顧掂仲要係到多多聲氣, 我地打去個邊又唔見得人地聽得明我地講野!!!
cheap精!! cheap精!! 死cheap精!! 嚴重影響工作情緒!!
而家d電話打來問活動, 我都懷疑係人玩野, 無心機...
見自己情緒好返少少, 便跟他們二人討論, 佢地仲激動過我...公司你好野!!

好啦, 呢單唔同你計喇, 之後又有人打來問新活動, 邊樹見到??
點知個活動新到新鮮滾熱棘, 我就係咁盲丙丙地比個客鬧...
問我你點做野嫁, 咩都唔知, 好...你地有種, 好野呀! 而家算係"線"我地一獲咁話啦!

真的從未對一樣野咁失望, 簡直去到絕望... 好難形容...
聽過 d 醫生話病人個肺花晒, 我相信我係個心花晒...

終於收工了, 本來諗住留一陣陪下喵, 但...我又真係唔想再留係到
之後去到月台時突然被人捉住! 一睇原來係台灣領隊!? 唔係咁巧合呀化......
看來佢飲醉了但又未醉得晒...咁先死... = =係咁話嬲我唔搵佢...
又話危險要送我返屋企...咪傻! 又想拖我... 使用甩開絕技!
最後終於送了佢落車...
第二次覺得 d 人飲左酒之後好恐怖...特別係未醉得晒個隻...

今天到底發生什麼事... 我交了什麼惡運?! 總是發生些奇怪事!!
夠了! 放過我吧!

sorry...今日真係好炆, 所以寫左好多野, 請比我發下難啦, 唔係我真係會死的...
& 董輝 ~ 生日快樂喔, 今日無時間 + 無心情跟你說恭喜 ~ 抱歉呢
我會叫我的好表妹代表的了, 嘿 ~



2005 年 8 月 14 日  星期日   雨天


真的...累了... 分類: 未分類

好耐無寫了... 不是懶, 只是心情有點不太愉快...

腦, 早已塞, 想不到事情...
.......
.....
...
累了... 但不想訓, 不停地打機...打機...打機...
沒理會人物死了多少回...只是打...打...打...
一處避難所, 短暫忘記...

衷心感謝你的開解,其他的要靠自己了!!
...想逃避, 夠了... 真的真的好累...
跌到谷底, 已沒有任何感覺了...



2005 年 8 月 10 日  星期三   雨天


放了白鴿... 不安 分類: 做個工讀生

本來今日約左 CUSCS 班 fd,但無奈...我唔知醒
Sorry...放你們白鴿...
因為清晨4點5點先訓著...呢排都係咁,所以個人無乜精神
阿欣在10:30打比我之後,醒左少少後行左去阿媽張床再訓過= =!
由於趕唔切出去,只好叫阿欣諗到有下文就 call call 我
之後就真係一睡不起咁訓訓訓...

近來唔知咩樹...越來越唔掂...
人...一直往下沉...
唔通我....近...? (呸呸呸...大吉利是!!)



2005 年 8 月 9 日  星期二   晴天


小花生日~酒店自助餐恭候^^ 分類: 年青幼稚時

連續幾天的訓唔著(係咪叫失眠呢) 已經令到個人好累了
在中午時份好好的便小睡了 2 個小時有多,即刻精神左

今日小花生日,祝您生日快樂!大一歲了 haha 別顧著玩囉
恰巧 Vincci 返左來,齊齊在酒店請佢食自助餐慶祝
你睇我地幾落本,都幾貴喔! d $$ 飛走晒了 ~
不過 d 野食確係掂,食左好多野,大家都食得開心!(無價的)
真係好難得我地可以咁聚下傾下計!

哇,走個時 d 雨大到乜咁,仲要橫風橫雨,有傘都無用,濕晒~
之後返家洗埋個頭先,睇下今晚可唔可以早訓呢?我看也唔得啦...

明天放榜啦,希望各位會考朋友仔,努力呀!
無論幾多分都有出路的 (我已經是一個好例子^^),唔好咁擔心了。



2005 年 8 月 8 日  星期一   晴天


忽發奇想 分類: 靜靜的生活

自己很努力地寫日記,有點成果了,但...開始想懶la~ 哈

在學著手語 (怕自己有一天會聾-.-!) 發現我係絕對唔適合的
因為我的右手係非一般的右手,大部份動作都做唔到...怎辦?

Vincci 終於由上海返來了 >w< welcome ~
實在好久沒跟你好漫長好漫長的在談天說地了

人好像沒什麼精神般,帶著一點累 + 唔知咩
只是想找人發下傻 ~ 找著了, 哈! 感謝~

在想著以前的事,真的幾搞笑,想著怎麼可以生存到現在的呢?
是否真的笨了?

中午在梳化想著想著便睡著了,到底我在想什麼呢?

失憶又病發,原來不止忘記了日期,還忘記了跟朋友們的約會喔...



2005 年 8 月 7 日  星期日   晴天


開心玩樂的一天 分類: 爛玩組乘七

返到公司,有野交低,完全聽到一頭冒水
嗚... >"< 唔通真係唔可以再係呢間公司待下去...?
點知之後聽的事還恐怖... 嚇到我唔係好想放你地走添, 嘿...
真係驚嫁...咁恐怖...成晚都係到疑神疑鬼><"
搞到行出行入都唔係好舒服...(心理作用?)

柏樹因悶在發傻 (最後發現原來無食飽飯所以唔眼訓...)
談東談西大話西遊傾左好多野,果真是一個新發現! 學野的機會
發現偶是多麼的笨~"~! (難道偶真的來至火星?)
跟他說話很好笑,但他竟然話我笨 x 10次以上,欠揍的傢伙!!
別再給我有機會跟你拍更,不然...嘿... (相信會是我死得好慘...嗚)

今天去阿嫲家食飯,出街食就唔使咁辛苦了,食得飽飽,滿足了
跟堂姐在談旅遊,大家也超鍾意旅行,哈哈!

p.s. 超感動  謝謝那盒下了豬仔咒的樂天熊bear bear!為什麼要下咒~~吼!!

p.p.s 何謂眼中只有一人? (殺父仇人? 哈)



2005 年 8 月 6 日  星期六   晴天


跟同事們出街 分類: 爛玩組乘七

家中的驚喜真係日日新,話咁快又要去拿車了...
派出代表 ~ 阿哥 ~,之後... ... ... ...

傍晚跟同事們出街,不過人數多得有點嚇人
預計是我們dept的數位人,但突然多左好多人@.@?
o_o!令我們part time仔呆晒
一行人便去睇 "七劍",都ok沒有太大的感覺
本身預計之後食火鍋,但無位,擾攘了半句鐘決定去餐廳
去邊食都矛相干啦,十點幾都不餓了~ 隨意地食少少便算了
之後11:45就閃了。



2005 年 8 月 4 日  星期四   晴天


被爸爸的行動力嚇呆 =0=" 分類: 愛搞事家庭

昨晚已經早早的去睡,但不知為何下午1點起身時還好眼訓
仲要勁唔舒服,又想嘔又頭痛...唔通真係有病?
唔想睇醫生,唔想check到有咩大病...真係驚的...

今日先知原來阿爸買左駕私家車...話比我同阿哥用?
但我無牌喔,我唔想考都唔係咁想渣車,坐人地車唔好咩 ~ 懶
阿爸的行動力真係好嚇人...得人驚!

幣啦,柏樹病倒了,佢話已經咳到要飲咳藥水...咁大獲?
唔通真係被傳染了...退伍軍人症 (呸呸呸...唔好咁咒人)
哎呀,柏樹你真係要頂住呀,你一病就好大獲了
要快點好返喔!!  祝您  早日康復!>"<



2005 年 8 月 3 日  星期三   晴天


變了玩game白痴... 不安 分類: 爛玩組乘七

夜間時份玩一些mini game在打發時間,點知玩玩下就訓著了
真的好難玩,誰不知...柏樹竟然話easy,唔通真係我太蠢?
聽了柏樹博士教點去諗,好似easy左,但我只領悟到少少...
大家也可以去玩玩 (
http://hk.geocities.com/martinlam77/2000fun/game_beam.html)
收工時走得有點衝忙,自己活像白痴= =幾好笑,haha但thanks all^^

跟Vincci用msn聯絡,用著視像會議見到她那可愛的仔
還跟Vincci用了一個搞笑的方法談話,佢講野我打字,哈!

整理相簿中的相時,看到以前d 相確係有點掛念從前
明天開始可以休息多點了。