轉眼間又到了甲狀腺覆診的日子，一直經常忘記問醫生的問題，今次我記得了，可惜答案依然沒有得到証實。今次又等了 1 個小時多才應診，還要遇上串串的醫生。
問題少女的提問：
我：「其實我要戒食什麼？」
醫生：「昆布、海帶、紫菜、海馬、海藻等，即係麵豉湯個 d 料」
我：「咦，咁如果我唔食佢 d 料，只飲煲左出來的湯可以嗎？」
醫生：「 我無研究過 d 湯料喎。」
我：「醫生呀，海鮮是指海中生存的生物嗎？咁我吃基圍蝦呢？淡水來架喎。」
醫生：「 都無話唔食得海鮮，係少食之嘛。」
我：「咁基圍蝦呢？淡水養架喎。」
醫生：「 咁呢方面無咁深入研究喎！」
我：「呀，係呀，想開返今日病假紙。」
醫生：「 開下午比你！」
我：「唔得呀，因為我公司放半日都要全日病假紙架！」(作大中)
醫生：「  唓，我點知你上晏去左邊到玩架？一係寫到診紙俾你」
我：「但係到診紙只當 2 小時外出就醫」
醫生：「 咩你公司咁架，下次同公司講我地只肯寫你放半日」
我：「哦~~~試下講雖然都無用」(都要多謝醫生最後都肯寫一日俾我)
醫生報了 T4 讀數給我聽 14，已回復正常水平有多，當我再問另外 2 個數值後，醫生隱約地說其他沒有改變，可能因為我之前誤診，到達嚴重時才醫治所致，所以下回抽血要多抽一支，而且不能減藥，但我自己怕藥會把 T4 讀數，由現時正常水平減至缺少水平。我發現近期我變得怕冷，要留意一下自己。
醫生也同時解釋了為何藥物要吃 1.5 年，因為按過往的復發率，1.5 年後為 50%，雖然是一半一半，但已經是相當高的水平。現時改變了一個數值已令我胖了 10 磅，如另外 2 個數值也變回正常，那我不就要胖多 20 磅？!!!
|
