今晚外出吃飯時，只餘下一舊魚時，又出現我那些極煩的習慣...
我：「你食唔食呀？」
媽：「你要啦」
我：「你真係唔食呀？」
媽：「唔食啦」
我：「你真係真係唔要呀？你唔係好鍾意食架咩？」
媽：「都話唔食囉，你要就要 la」
我：「咁你係咪都想食架？想要就出聲啦~」
媽：「唔•要•呀! 你好煩呀~~~ 唔要•唔要•唔要」
我：「好~ 確認。咁我真係食架啦 ~~~~」
我一邊咬住舊魚，一邊笑著說「我真係好煩咩？」
媽答，「你有邊次唔係問咁多次架」
跟住阿爸突然彈出一句，「而家你就話煩，遲 d 無得你煩架啦 ~」
媽反駁，「呸，又唔係死左，咩無得煩啊」
爸說，「嫁左出去仲邊可以成日同到你食飯，都唔識得珍惜下，而家係到嘈下咪幾好」
唔知點解爸突然咁講，但要嫁的話，又教我如何捨得呢....... 縱使我不常心情態度好好，不過確要珍惜與家人相處的時間...
|
