最後一天假嚕 ... 有點捨不得假期的過去，明天要開始捱世界啦，阿圈 佢放假，得返我一個嚕 ~ 俾佢講中左我真係唔想返工。今日已經收到佢的來電交帶返 d 工作，亦知道我張台已經放滿紙張... 我估應該好少的...好少的...
唔知係咪返工前恐懼症呢... 我由今朝9點幾醒左一醒之後，就一直發惡夢發到11點... d 夢又真實又連貫，唔係有人病...就有人入院或者有人香左... 真係好驚... 大吉利是!! 即刻彈起身唔敢再訓，起左身都要定一定神先知而家既野係真實定夢境。由於上午太恐佈了... 所以下午決定輕輕鬆鬆的過，打機 上網 執下野，好休閒咁就過左一日。
佢仲病緊... 前幾日都已經叫左佢食藥，但係都唔聽話我都冇辦法，激死我啦!! 佢返到家食完飯就打機 同 幫人燒碟 ~"~ 都冇乜理到我，拿住個電話白等...嗚 ~ 今晚同佢其實冇傾到計... 唉 ~ 唔通我要同部Wii爭寵!? 算~ 就當俾佢輕鬆下，我有我生活，唔同佢傾電話當懲罰!! 其實近排都冇乜心機跟他講野，感覺好遠 ... 所以唔想出聲，又發作!?
|
