其實全日都唔開心... 要處理的事太多了，要睇住2個新人，仲要繼續我的舊工作，令本身唔夠時間既我更加唔夠時間。連續2天差不多6小時也是在講野，當遇到煩仲要一個人去處埋時，我會想起阿圈以前已經搞掂晒，雖然佢係令人激氣又笨 (笑)，但卻係令我有安心分憂一齊捱既感覺。跟佢拍擋，是嘈交，是友好，好夾咁互補不足互相串咀。現在大家都安慰係時候要長大了，希望我地不會疏到太遠啦。
放工我地既「四隻馬騮」(圈, 貓, 我, 倫)去左雅蘭別府食飯，本來係阿倫請，因為係佢未走出魔掌，不過為免佢咁破費，我地用左零食錢俾，餘數就佢既，不過都要幾佰。以前AHR頭家散左啦，7個人走既走，而家只餘下阿倫留守，我地四個其實好少去食飯，上次咁的組合都係上2個星期farewell 阿圈的午餐。希望大家之後既路都會順利 & 開心啦。
可能經過呢2日的折磨，連行返屋企既力都冇... 如果有人幫我"連"下骨就好啦，不過係冇既~ 返到去飲左大碗湯，再食左個本來話留俾我明天當早餐既飽，之後再打陣機時已經恰著左，看來我真係好倦...
|
