昨日下午lunch有Wendy & 霓姐請食飯，好貴... 多謝晒。到今日，由於之前俾KK屈左辭職要請食飯，所以今日由我出錢，叫埋Wendy & 阿倫，因為佢地2個都請過我食太多餐了，當係還返俾佢地先 ~ haha, 不過佢地都擇左間平平地。其實我咁耐以來都未同過KK同台食飯，但原來同佢食飯又幾搞笑，雖然平時都已經串串咀咁 ~
今日開始多人問我係幾多號走，突然覺得好似一切都太快，我仲有好多野未清 (要執晒個4個位, 印晒千幾張會員卡, 醫療保險, 執好admin d file, 睇埋新來的2個, 仲要繼續教佢地唔識既野)，我要加快手腳先得，今日留到9點鐘先走，Ren小姐走前都過來問了幾句，仲話 d 野執唔晒就唔好執, 唔係做通宵都唔掂，咁耐以來我想我地講得最多野而冇火藥味係今日了，突然感到人間溫暖 ~哈。
人始終都要走了，到而家都有唔捨得架，唔捨得呢個會俾人鬧既工作崗位，雖然辛苦, 但至少因為咁訓練到而家咩都識又快手既我，真係點都要講返聲多謝 ~只不過我真係擔心會員資料冇人跟到，唔想辛苦左年半既心機白費... 不過事與願違 ... 看開點 ~ 要學識放手!
|
