咁快又星期五，今日在返工的途中，在欣賞所途經的人和事，將來確係冇人知。
昨晚印卡印到9點幾先走，仲未有時間執野，本身諗好今日要做既野，點知返到去就有好多突發問題要問來問去，又要解決，咁就冇左個上午。下午跟本都做唔到野，因要同唔同人交低身後事，交低完有問題又要再答喎... 話咁快又冇埋個下午，整日都out planning.... 救命呀 ~ 餘下未印的卡依舊沒變...其他工作都未完成... 仲有要執乾淨個四張台........ 死得，今日又再整到9點幾... 好明顯明天我應該都係有開工, 冇收工架啦 >"< 我不依，星期六都要開OT... 希望唔使星期日返去啦......
Lunch 沒有大規模既食飯團，只有庶務部 + 收數部 + 秘書小姐，多謝大家俾面，食左一餐好飽的茶，因為最後唔想打包所以要努力吃，謝謝大家請客了。最特別係今日收到 ... 鞋盒一個！ 哈哈 ~ 其實裡面係裝住好多盒零食@.@，超開心亦都好驚喜，因為完全冇諗過會有禮物收，禮物係 Shingo & AC 送的，佢地2條友仔 真係好有心，令我有點感動，亦都當場唔知點講多謝好，不過真係超多謝!!! ^^
公司人事部同事 棘興左門市 d sales，呢次佢大獲啦 ~~~~ 好多人都唔滿意佢串咀..... 唉 ~ 而家個時代都變左了
|
