全日都走來走去，先去油麻地入境處排隊拿籌申請passport (笨到唔記得左網上預約, 搞到同 d 伯伯一齊排隊)，但只有下午籌，再得知一個超sad的消息... 最快20號先有得拿，團已經報左，問左有冇快 d方法，佢話冇... 唉，傷心到想喊 ~ 打左去旅行社問，可以退錢 / 轉團，但真係想如期出發。
聽聞灣仔有得做快証，反正呢到都要等，所以過左對面海博一博，但答案都係一樣........ 冇得早! 仲要俾人串「公開晒要10個工作天架，冇人叫你預咁遲...」總共問左4個人，但只係換來多幾句串咀話.... 冇法了，只好延期，其實一直都好鍾意個出發日，對我來講係有意思既... 算
心情不太好沒胃口，所以都冇食lunch，最後幫阿媽去city super買完芝士就返屋企真真正正咁抖下。
|
