雖然唔使返工，但依然早起，因為要去學車啦，今日係第一堂，唔使返工既日子去學車，時間真係方便好多，所以我會努力架啦。
第一堂，都係教 d 制點用，學開車，之後就係裡面學轉彎嚕。好得意個感覺，亦都覺得好好玩 (暫時)。大家都驚我冇興趣而冇心機，不過到而家為止都ok架，只係...好多野要記，轉N波 - 拉手制 - 放腳制.... 成日都做錯晒 ~"~ 要多多練習!!
學完就去左沙田永安搞埋轉團手尾，不過仲有8個人先成團... 都唔知出唔出到團，跟住就去左對面商務打書釘 ~ 睇左 d 旅遊書，又有好多書想買，聽到隔離個個人同佢個同事講，「書買左返去唔一定要即刻睇，岩心情先睇，好似旅遊書，就可以用來解下自己去唔到旅行既心理上需要」，好岩聽!! 哈哈, 之後再去citysuper幫人買芝士後就返家了，返到去先食少少野當午餐 ~
|
