回歸10週年，咁就10年囉 ~
記得1997年回歸 ... 我仲係中一 (哎呀, 透露左年齡出來添)。由於解放軍會途經學校門口，所以叫左我地7點返去學校歡迎佢地，超晨早!! 有史以來咁早返學既一日，天都未光晒，超誇張 ~"~ 點知返到去就話解放軍提早左經過，坐左陣就散band，即係.... 運吉!! 之後呆下呆下咁諗住行商場 (未開...)，最後去左食M記早餐就返屋企了... 好無聊既一日....
回歸.... 令我下定決心學游水，本身我好驚水，但阿媽恐嚇我...「如果回歸有咩問題，就要游水返大陸架啦 (好似 d 人要移民咁)，全家都識游水，你唔識游冇人救你架」，由於個時太天真啦，真係信，所以好努力...學識游水 ... 去到今時今日我都會問阿媽，香港回歸中國，游水返大陸仲咩!? 哈 ~
|
