好耐冇找過Dino，我放假的日子比平日更加少見，由於呢個星期六日都唔會見，所以今晚去找佢食飯。
夜晚未夠鐘食飯，去左睇玩具、扭蛋，至愛Window Shopping，不過今次見到架好得意又好細既QQ搖控車，仲話可以用手提來控制添，不過個價錢就唔得意啦，$79 ~ $1xx不等，所以都係睇下就算嚕。行過大家樂，又想八下個朱古力噴泉係點喎，不過時間唔岩，大家都未去到食甜品個part，所以冇野睇，遲 d 自己去食，不過俾我揀就要香蕉船做甜品。
行完街，見差少少先到打邊爐特價時段，其實都只係平$10，但等下又冇所謂，因為去左掃零食，掃左一大袋，正!! 跟住就去 "京都" 打邊爐，本身送既海鮮頭盤好多野食，放晒落個清湯個邊再加粟米蕃茄，就變左好好味既湯~ 仲加料$8 20隻蝦，最後埋單$170有找，好滿足咁離開 ~
|
