上午都在預備玩具廠面試，最後見了兩小時，首次發現面試其實都幾費時，個半鐘不斷講野 + 30mins reading test，唔經唔覺 d 時間就過左。
之後就 join 小花 & 60蚊 去 Vin家，Vin 仔仔大個左好多，當然都靚仔左啦。去到整蛋糕，不過發現無手指餅 ... 諗住用麵粉，但全部麵粉都變壞了 ... 只好由工人去買。係佢屋企發現有個整得好精美的大箱，原來入面放了小一至小六的中文練習簿及書，係佢朋友送的，原來買書錢貴在要去補貼呢 d 宣傳品，精美到冇人有 ~ 後來坐低傾計，講起當年讀書事，我覺得最開心係中二，整年都好似冇上堂咁，玩到癲的一年，笑過，吵鬧過。
最後食完晚飯先走，有食加拿大手信 — 煙三文魚，最後還收到之前旅行的手信 — 珊瑚 & 楓葉油(?)，多謝多謝。珊瑚座確實靚，但好大，其實我屋企唔係好大架咋 >_< 加上好重 (拿到手指紅晒，好佩服Vin你運佢返香港既情況)，下次唔好買咁大座啦 ~ 最心痛係我辛辛苦苦拿到返屋企發現佢有邊斷左 o_o!!! 我會用AA膠貼返佢架... 努力中
|
