今日... 好悶... 冇咩野做過囉! 上堂真係好眼訓呀, 不過唔驚啦! 我番屋企 有溫書的o架~ 係乖女 來的... 哈哈哈!!  好平靜咁又一天囉...

                                                     放左學, 又唔洗補課喎! 勁開心!  同左茶瑜 行上水囉.. 佢就買左件冷衫褸咁啦!  因為我冇帶錢啵... 其實都幾好o架! 可以唔洗用錢... 省d 嘛~ 呵呵!!~

                                                     時間過得好快呀... 好快就完了... 我宜家係d 咩心情呀??! 頂呀! 諗咁多做乜呀, 咩都冇啦... 是但啦...

                                               大城小愛  

                                                   哈哈... 我有得打日記啦!!(不過我咁耐都冇打過,應該冇人再睇o架啦!)算吧啦!!哈哈!        梗係啦, 今日係情人節嘛!我老豆早就出左街lu... 唉* 男人!!!   不過我都好開心呀, 收到d朋友仔 既朱古力呀!! ^^  我統統幫你地食晒佢呀下... 好冇??

                                                 就到會考啦... 我自己都開始緊張lu!  所以都開始溫書啦!! 真係乖呢? 我都知啦... kaka!   其實都冇咩野發生過呀... 好平淡喎!!~

                                                 百花林  鏡花緣  醉瓊樓 

                                                   哈哈... 今日一早就出左去lu! 有我啦, 茶瑜&賴文, 肥軒&火星, 宏宏&如城 出左去唱K 囉... 笑鬼死呀! 好癲呀! 幾好玩呀,幾開心呀!^^  跟住又去左影貼紙相囉... 雖然有少少把鬼, 但係都好靚...  行行下囉///   咁就去左又１啦!  因為我要買野俾媽咪!  唉... 你諗下呀...  我竟然冇買野俾自己!就走去買野俾 媽咪啦.. 真係孝順囉~ 

                                                  梗係啦... 我知我阿媽鐘意Dior 粉底呀.. 就買俾佢啦! $247.5呀! 真係呀... ~又唔送條絲帶俾我! 都唔知佢想點... 哼, 算囉!!  跟住又行下咁囉... 又買唔到野呀! 算囉!~ 食完野就走lu... 好似冇咩做過咁tim? 哈!

                                                哈哈... 咁我留番d 錢黎買其他野囉... 哼, 咩喎!  

   不過要多謝茶瑜 份禮物既... ^^  你聽唔聽到我講野呀喂??     <--  哈哈哈!!

                                                   生日快樂   我對自己說

                                                   又大一歲  我要幻滅重新

                                                  由琴晚開始... 我已經覺得好辛苦啦... 又訓唔到喎! 今早起身, 決定唔番學啦!! 好彩有老豆係到ja... 如果唔係, 就可憐lu!  不過我好開心 收到茶瑜, 肥軒, 賴文, 溫珊珊 既電話!! 有心啦你地... 我好快好番的!! 唔係點出去玩呀? 新年喎... 真係丫.... 哈哈哈!!!

                                                   老豆陪我落去食早餐, 我食粥囉... 不過冇胃口食左好少咋! 原來我發高燒喎... 又要我食藥呀!! 黑人憎... 本來真係想打針的... 點知個醫生又黑人憎喎!!! 嚇我 話要打４針喎.... 哼, 黑人憎!! 咩事呀宜家?  我只好乖乖食藥囉... 唉*     ４點幾... 我老豆就走左出去銅鑼灣SOGO..  衰!! 如果我唔係病呀, 我一定會出去的... 算囉宜家!!

                                                 頂呀.... 好累呀宜家... 又唔想訓喎!! 唉...

   我老豆出左去SOGO喎... 我梗係唔會放過佢啦! 仲叫左佢幫我問Dior tim呀...  哼, 不過我都知佢唔會幫我問的!! 理得佢呀~

                     我近來 覺得老豆好似發左達咁呀... 係咁買野! 勁有錢喎... 點解呢??  又買金"勞"喎! 又話要買鞋喎! 發生咩事呀?

單單１個紫色限量版化妝袋.... 已經好靚呀!!!^^ 仲要係紫色喎! (超鐘意呀!!)  靚絕的Dior__So Dior。

                                               今日好凍呀... 著多d 衫吧啦! 我咁耐以來, 第１次係一個人搭巴士番學呀!  叮噹就番上海, 肥軒就遲起身! 我又唔知賴文係米去左 接茶瑜喎... 所以我就自己走先囉! 有d 悶! 不過我自己係到溫書囉.. 背中文喎!   真係乖呀我... 哈哈哈哈!

                                      到左上堂時, 又發夢啦.... 唔知點解 個感覺好奇怪囉!! 好似唔想番, 但係又要番喎! (我今早仲以為 唔洗番學tim呀!)  上ENG堂時, 又係到傾計... 幾開心呀!!^^   lunch時, 我同茶瑜分開左!  d 男仔就不停咁講埋晒果d 野... 唉! 好鬼悶呀~ 唔該! 除左講哩d 野之外, 仲識得d 咩呀! 唉! 唔好話我話呀! 哼,

                                     放左學, 就番屋企啦... 唉* 聽日得番我一個人仔咋! 佢地就好啦... 唔洗再番學啦! 哼, 好彩仲有 溫家寶 個仔ja... 哈!

              唉... 買唔到Dior 我就喊俾你睇呀!! 我一定要買到呀!!!!!! 唔理呀!!!!  不過我上網見到個Dior 髮夾 呀! 都幾靚o架... 500蚊之嘛! 好靚的... 我好想bid呀!! 不過要新年先...  宜家未有錢!! 仲之 我要Dior呀.... 如果唔係.... 我喊 o架!!  哼!! 點呀... Dior Dior  Dior Dior...